MUSTAQIL ISH

KIRISH Alisher Navoiy dahosi O'zbekistonning boy madaniy merosi, adabiy an'analari va ma'naviy qadriyatlarini mujassam etgan ulug' siymodir. Uning ijodi nafaqat o'z davri uchun, balki bugungi kun uchun ham dolzarb bo'lgan ijtimoiy, siyosiy va axloqiy muammolarni qamrab olgan. Navoiyning asarlarida insonparvarlik, adolat, ilm-ma'rifat va ma'naviy kamolot g'oyalari chuqur falsafiy tahlil bilan yoritilgan bo'lib, ular har qanday davrda ham jamiyat taraqqiyoti uchun asos bo'lib xizmat qiladi. Ayniqsa, Navoiyning nasihat mazmunidagi ijodida ko'rsatilgan ijtimoiy-siyosiy va axloqiy-ma'rifiy qarashlari zamonaviy globallashuv sharoitida, yosh avlodni to'g'ri tarbiyalash, ularda milliy va umuminsoniy qadriyatlarga hurmatni shakllantirish, jamiyatda adolatli va ma'rifatli shaxsni voyaga yetkazish borasida beqiyos ahamiyatga ega. Bugungi kunda Navoiy merosini chuqur o'rganish va uni yoshlar ongiga singdirish, ularda tanqidiy fikrlash, mustaqil qaror qabul qilish ko'nikmalarini rivojlantirish hamda ma'naviy-axloqiy immunitetni shakllantirish uchun muhim metodologik manba bo'lib xizmat qiladi. [rasm]} Jamiyatda adolat, insonparvarlik, bag'rikenglik kabi ezgu g'oyalarni mustahkamlash, yosh avlodni milliy o'zlikni anglash ruhida tarbiyalashda Alisher Navoiyning nasihat mazmunidagi asarlari beqiyos o'rin tutadi. Biroq, Navoiy asarlarining ijtimoiy-siyosiy va axloqiy-ma'rifiy jihatdan bolalar adabiyoti nuqtai nazaridan chuqur tahlili va uning hozirgi zamon bolalar adabiyotiga ta'siri yetarlicha o'rganilmagan. Ushbu tadqiqot Alisher Navoiyning nasihat mazmunidagi asarlarida ko'rsatilgan ijtimoiy-siyosiy va axloqiy-ma'rifiy qarashlarini bolalar adabiyoti aspektida ilmiy-nazariy asoslash, ularning bugungi kundagi tarbiyaviy ahamiyatini ochib berishni maqsad qiladi. Shuningdek, tadqiqot Navoiyning ushbu yo'nalishdagi merosining o'ziga xos xususiyatlarini aniqlash, uning yoshlar tarbiyasiga ta'sir mexanizmlarini o'rganish va zamonaviy ta'lim tizimida qo'llash imkoniyatlarini belgilashg ...