MUSTAQIL ISH

KIRISH O‘zbekiston Respublikasining moliyaviy-iqtisodiy tizimida banklar va bank faoliyati bilan bog‘liq huquqiy munosabatlar markaziy o‘rinni egallaydi. Mamlakatimizda iqtisodiyotni modernizatsiya qilish va erkinlashtirish jarayonlarining jadallashuvi, investitsiya muhitini yaxshilash, milliy valyutaning barqarorligini ta'minlash hamda tadbirkorlikni rivojlantirishga qaratilgan islohotlar bank tizimining rolini yanada oshirdi. Bu esa o‘z navbatida, banklar faoliyatini tartibga soluvchi huquqiy normalar, banklar va mijozlar o‘rtasidagi murakkab huquqiy munosabatlarni huquqiy jihatdan o‘rganishni dolzarb vazifa etib qo‘ymoqda. Ayniqsa, bank operatsiyalarining xilma-xilligi, ularning huquqiy tabiatini aniqlash, bank sirini muhofaza qilish, bankrotlik masalalari, shuningdek, banklar va davlat organlari, banklar va boshqa moliya institutlari o‘rtasidagi huquqiy munosabatlarning rivojlanib borayotgan xususiyatlari ilmiy tadqiqotlarni talab etadi. Zamonaviy sharoitda bank muassasalari nafaqat pul muomalasini boshqarish, balki iqtisodiyotni kreditlash, investitsiyalarni jalb qilish va boshqarishda ham muhim rol o‘ynaydi. Shu sababli, bank-moliya tizimining huquqiy asoslarini takomillashtirish, bank operatsiyalarini amalga oshirishda yuridik shaxslar va jismoniy shaxslarning huquq va manfaatlarini himoya qilish hamda bank tizimining barqarorligini ta'minlashga oid huquqiy mexanizmlarni kuchaytirish bugungi kunning muhim masalalaridan biridir. Mazkur tadqiqot ishi banklarning huquqiy maqomi, bank operatsiyalarining turli shakllari, ular bilan bog‘liq huquqiy munosabatlarning yuzaga kelishi, o‘zgarishi va tugatilishi kabi masalalarni chuqur tahlil qilishni o‘z oldiga maqsad qilib qo‘yadi. Tadqiqotning asosiy muammosi bank-moliya tizimining yanada rivojlanishi sharoitida bank huquqiy munosabatlariga oid qonunchilik normalarining amaliyotdagi qo‘llanilishidagi mavjud kamchiliklar va ularni bartaraf etish yuzasidan huquqiy mexanizmlarni takomillashtirish zaruriyatidan iborat. T ...