KURS ISHI

KIRISH Oʻzbekistonda raqamli iqtisodiyotning jadal rivojlanishi va davlatning "Raqamli Oʻzbekiston – 2030" strategiyasi doirasida IT infratuzilmasini modernizatsiya qilish boʻyicha olib borilayotgan keng koʻlamli islohotlar bulut xizmatlaridan foydalanish koʻrsatkichlarini sezilarli darajada oshirdi. Jumladan, O'zR Raqamli Texnologiyalar Vazirligi (2023) ma’lumotlariga ko‘ra, mamlakatda bulut texnologiyalarini qabul qilish darajasi so‘nggi uch yilda o‘rtacha 35% ga o‘sgan [1]. Bu o'sish, ayniqsa, kichik va o'rta biznes segmentida yaqqol ko'zga tashlanib, ularning xarajatlarini optimallashtirish va samaradorligini oshirish imkonini berdi. Global miqyosda esa, Fortune Business Insights (2024) hisobotiga ko'ra, jahon bulut bozori hajmi 2023-yilda 616 milliard AQSH dollarini tashkil etgan va 2032-yilga borib 2 trilion AQSH dollaridan oshishi prognoz qilinmoqda, bu esa yillik o'rtacha 17.5% o'sish sur'atini anglatadi [2]. Shu bilan birga, brauzerlar nafaqat axborotga kirish vositasi, balki bulutda joylashgan kompleks ilovalar va xizmatlar bilan o‘zaro aloqa qilish uchun asosiy platformaga aylandi. O'zbekistonda internet foydalanuvchilarining 80% dan ortig'i mobil brauzerlar orqali internetga kirishadi [3], bu esa bulut xizmatlarining brauzerlar orqali optimallashtirilgan holda yetkazib berilishi naqadar muhimligini ko'rsatadi. Bu holat, o'z navbatida, o'rnatilgan tizimlarning bulut integratsiyasida brauzerlar orqali ishlashi bilan bog'liq yangi imkoniyatlar va chaqiriqlarni yuzaga keltirmoqda. Bugungi kunda texnologik landshaftda yuz berayotgan shiddatli oʻzgarishlar sharoitida, anʼanaviy dasturiy taʼminot modelidan bulutga asoslangan xizmatlarga oʻtish global tendensiyaga aylangan. Ushbu jarayon oʻrnatilgan tizimlar sohasida ham oʻz aksini topmoqda, chunki ular koʻpincha cheklangan resurslarga ega boʻlgan qurilmalar boʻlib, ularni samarali ishlashi uchun bulut xizmatlarining hisoblash quvvati va saqlash imkoniyatlaridan foydalanish zarur. Biroq, brauzerlar orqali bulut xizmatlariga kirishda xavfsizlik, ma’lumotlar maxfiyligi, ishlash samaradorligi va resurs sarfi kabi bir qator hal etilmagan muammolar mavjud. Ayniqsa, Oʻzbekiston sharoitida, internet tezligi va sifatining hududlararo farqlanishi, shuningdek, mahalliy foydalanuvchilarning texnologik savodxonligi darajasi bulut xizmatlaridan brauzer orqali toʻliq foydalanish imkoniyatlarini cheklashi mumkin. Shu ...