KURS ISHI

KIRISH O‘zbekiston Respublikasi Prezidenti Shavkat Mirziyoyevning raqamli iqtisodiyotni rivojlantirishga qaratilgan farmon va qarorlari natijasida mamlakatimizda elektron tijorat sohasi jadal sur’atlar bilan rivojlanmoqda. O‘zR Statistika agentligi ma’lumotlariga ko‘ra, 2023-yilda O‘zbekistonda elektron tijorat bozorining hajmi 2022-yilga nisbatan 28% ga o‘sib, 10,5 trillion so‘mga yetgan [1]. Jahon miqyosida esa e-tijorat bozori 2023-yilda 6,3 trillion AQSH dollarini tashkil etgan va 2027-yilga borib 8,1 trillion AQSH dollariga yetishi kutilmoqda [2]. Bu raqamlar elektron tijoratning global iqtisodiyotda va xususan, O‘zbekiston iqtisodiyotida naqadar muhim o‘rin tutayotganini yaqqol ko‘rsatadi. Ushbu o‘sish tendentsiyasi aholining internetdan faol foydalanishi, to‘lov tizimlarining takomillashuvi va logistika infratuzilmasining rivojlanishi bilan bevosita bog‘liqdir. So‘nggi yillarda mobil internetning keng tarqalishi, ayniqsa, viloyat va qishloq joylarida ham onlayn xaridlarning ommalashishiga zamin yaratmoqda. Bugungi kunda iste’molchilarning xarid qilish odatlari tubdan o‘zgarib, an’anaviy savdo shakllaridan onlayn platformalarga o‘tish tendensiyasi kuzatilmoqda. Elektron tijorat platformalari nafaqat mahsulot sotish va xizmat ko‘rsatishni osonlashtiradi, balki biznes uchun yangi bozor imkoniyatlarini ochadi, xarajatlarni optimallashtiradi va mijozlar bilan munosabatlarni mustahkamlaydi. Biroq, O‘zbekiston sharoitida e-tijorat sohasida hali ham hal etilishi lozim bo‘lgan qator muammolar mavjud. Bularga raqamli to‘lov infratuzilmasining ayrim hududlarda sust rivojlanganligi, logistika va yetkazib berish tizimlarining xalqaro standartlarga mos kelmasligi, onlayn xavfsizlik va ma’lumotlar himoyasi bilan bog‘liq xavotirlar, shuningdek, mahalliy e-tijorat platformalarining raqobatbardoshligini oshirish zaruriyati kiradi. Bundan tashqari, kichik va o‘rta biznes sub’ektlari uchun zamonaviy va samarali e-tijorat yechimlarining yetishmasligi ham dolzarb muammo hisoblanadi. Shu bois, ushbu kurs ishi Laravel frameworkida e-tijorat saytini ishlab chiqish orqali yuqorida keltirilgan muammolarni qisman hal etishga va mahalliy tadbirkorlik sub’ektlariga zamonaviy raqamli vositalar bilan qurollanishga yordam berishga qaratilgan. Mavzuning o‘rganilganlik darajasi bo‘yicha jahon olimlari tomonidan bir qancha muhim tadqiqotlar amalga oshirilgan. Masalan, D. S. Chen (201 ...