KURS ISHI

KIRISH O‘zbekiston Respublikasi mudofaa qobiliyatini mustahkamlash, qurolli kuchlarning jangovar shayligini oshirish masalalari mamlakatimiz suvereniteti va hududiy yaxlitligini ta’minlashda muhim o‘rin tutadi. Dunyo miqyosida harbiy texnologiyalar tezkor rivojlanayotgan bir sharoitda, minalar zamonaviy jangovar harakatlarda hal qiluvchi rol o‘ynaydigan strategik vositalardan biri bo‘lib qolmoqda. Global harbiy xarajatlar 2023 yilda 2,443 milliard AQSh dollariga yetdi, bu esa harbiy texnologiyalarga, shu jumladan minalar ishlab chiqarish va ularga qarshi kurash choralariga bo‘lgan talabni oshirmoqda [1]. Ayniqsa, piyodalarga va tanklarga qarshi minalar harbiy harakatlar zonasida dushman kuchlarining harakatini cheklash, ularga sezilarli zarar yetkazish va mudofaa chiziqlarini mustahkamlashda samarali vosita hisoblanadi. O‘zbekistonning mintaqadagi geostrategik joylashuvi va xavfsizlikka tahdidlar tahlili, ushbu turdagi qurollarning texnik xususiyatlari, umumiy tuzilishi va ishlash prinsipini chuqur o‘rganish mudofaa salohiyatini yanada oshirish uchun zaruriy ekanligini ko‘rsatadi. Ushbu kurs ishi O‘zbekiston Respublikasi Qurolli Kuchlarining tankka va piyodalarga qarshi asosiy minalarini har tomonlama o‘rganish orqali mamlakatimiz mudofaa doktrinasini qo‘llab-quvvatlashga qaratilgan bo‘lib, bu turdagi qurollarning jangovar samadorligini oshirish va ulardan xavfsiz foydalanish bo‘yicha fundamental bilimlarni shakllantirishga xizmat qiladi. Minalarning roli, ularning texnik xususiyatlari va samaradorligini tushunish nafaqat harbiy mutaxassislar uchun, balki chaqiruvga qadar boshlang‘ich tayyorgarlik kurslari doirasida yoshlarni harbiy xizmatga tayyorlashda ham juda muhimdir. Zamonaviy harbiy to‘qnashuvlarda, masalan, Yaqin Sharq va Ukraina hududlarida minalar quruqlikdagi operatsiyalarda juda katta ta’sirga ega ekanligi ko‘zga tashlanmoqda. Misol uchun, 2022-2023 yillarda Ukrainadagi minalashgan hududlar umumiy maydoni taxminan 170 000 kvadrat kilometrni tashkil etgan [2], bu esa xalqaro hamjamiyatni minalar bilan bog‘liq masalalarga jiddiy e’tibor qaratishga majbur qilmoqda. Minalar qurbonlari soni butun dunyo bo‘yicha 2022 yilda 4 710 kishini tashkil etgan [3], bu ularning inson hayoti va xavfsizligiga tahdid darajasini yaqqol ko‘rsatadi. O‘zbekiston Respublikasining mudofaa tizimi uchun minalar texnologiyasining hozirgi holatini tahlil qilish, ularning po ...