KURS ISHI

KIRISH O‘zbekiston Respublikasi Prezidentining 2022-yil 12-maydagi “Raqamli ta’lim va raqamli iqtisodiyotni rivojlantirish bo‘yicha qo‘shimcha chora-tadbirlar to‘g‘risida”gi PQ-244-sonli qaroriga muvofiq, mamlakatimizda IT-ta’limning sifatini oshirish va raqamli savodxonlikni kengaytirish ustuvor vazifa etib belgilangan [1]. Ushbu qaror doirasida maktablarda informatika fanini o‘qitishda zamonaviy texnologiyalarni joriy etishga alohida e’tibor qaratilmoqda. 2023-yil yakunlari bo‘yicha O‘zbekistonda IT-xizmatlar eksporti hajmi qariyb 340 million AQSH dollarini tashkil etdi, bu 2022-yilga nisbatan 2,5 barobarga o‘sishni ko‘rsatadi [2]. Bu o‘sish, avvalambor, yosh avlodning dasturlash va raqamli ko‘nikmalarga bo‘lgan qiziqishi ortib borayotganini ko‘rsatadi. Jahon miqyosida esa, dasturlash ta’limi bozorining hajmi 2023-yilda 1,3 milliard AQSH dollariga yetgan va 2030-yilga borib 5,7 milliard AQSH dollariga yetishi prognoz qilinmoqda, bu yillik o‘rtacha 20,4% o‘sish sur’atini anglatadi [3]. Mazkur kurs ishi o‘quvchilarni Scratch muhitida sodda multfilmlar yaratishga o‘rgatish orqali ularning dasturlashga bo‘lgan qiziqishini oshirish va buning uchun AutoPlay Media Studio dasturida interaktiv dars ishlanmasini yaratish hamda o‘qitish metodikasini takomillashtirishga qaratilgan bo‘lib, bu jarayonda raqamli ta’lim resurslaridan samarali foydalanishning muhimligini aks ettiradi. Hozirgi kunda maktab ta’limida informatika fanini o‘qitishda amaliy ko‘nikmalarni rivojlantirishga qaratilgan innovatsion yondashuvlar yetarli darajada joriy etilmagan. Odatda, ta’lim jarayonida nazariy bilimlar berishga ko‘proq urg‘u berilib, o‘quvchilarning ijodiy va mantiqiy fikrlash qobiliyatlarini rivojlantiradigan interaktiv vositalardan foydalanish cheklangan. Scratch kabi vizual dasturlash muhitlari bolalarga murakkab sintaksislarsiz dasturlash asoslarini o‘rganish imkonini bersada, ularni ta’lim jarayoniga tizimli va metodik jihatdan to‘g‘ri integratsiya qilish bo‘yicha to‘liq ishlab chiqilgan dars ishlanmalari va o‘qitish metodikalari kam. Ayniqsa, AutoPlay Media Studio kabi dasturlar yordamida interaktiv dars materiallarini yaratish va ularni o‘quv jarayoniga tatbiq etish borasida O‘zbekiston ta’lim tizimida ilmiy-amaliy tadqiqotlarga ehtiyoj katta. Ushbu tadqiqot, aynan mana shu bo‘shliqni to‘ldirishga, ya’ni o‘quvchilarning Scratch muhitida multfilmlar yaratish orqali dasturlas ...