MUSTAQIL ISH

KIRISH Huquqiy tizimlarning samarali faoliyat yuritishi, uning rivojlanishi va jamiyat hayotida o'z o'rnini mustahkamlashi ko'p jihatdan huquqiy prinsiplarning aniq belgilanganligi va ularning amaliy hayotga tatbiq etilishi bilan bog'liqdir. Huquqiy prinsiplar huquqning negizini tashkil etuvchi umumiy qoidalar, me'yorlar va talablarning asosiy g'oyaviy-normativ birligini ifodalaydi. Ular huquq tizimining tuzilishi, rivojlanishi va qo'llanilishini belgilab beruvchi muhim omillardir. Bugungi kunda dunyoda yuz berayotgan ijtimoiy-siyosiy va iqtisodiy o'zgarishlar, huquqiy davlat va fuqarolik jamiyatini qurish jarayonining jadallashuvi huquqiy prinsiplarning nazariy va amaliy jihatlarini chuqur tahlil qilishni taqozo etadi. Ayniqsa, huquqiy tizimlarning mukammallashtirilishi, inson huquqlari va erkinliklarini himoya qilishning kuchaytirilishi, qonun ustuvorligini ta'minlash kabi dolzarb masalalar huquqiy prinsiplar mohiyatini yanada teranroq anglashni zarur qilib qo'yadi. Shu nuqtai nazardan, huquqiy prinsiplarning turlarini, ularning huquq tizimidagi o'rnini, huquqiy normalardan farqini, shuningdek, huquqning asosiy funksiyalarini tadqiq qilish davlat huquq nazariyasi fanining muhim va dolzarb yo'nalishlaridan biridir. Ushbu tadqiqotda huquqiy prinsiplarning nazariy asoslari, ularning huquq tizimidagi roli, huquqning asosiy funksiyalarining mazmun-mohiyati va o'zaro aloqadorligi hamda jamiyat hayotida ularning ahamiyatini ilmiy jihatdan chuqur o'rganish muammosi qo'yiladi. Mavjud ilmiy adabiyotlar, me'yoriy-huquqiy hujjatlar va huquqiy tafakkur rivojining tahlili shuni ko'rsatadiki, huquqiy prinsiplarning umumiy nazariy masalalariga bag'ishlangan tadqiqotlar mavjud bo'lsada, ularning funksiyalari bilan bog'liq jihatlari hali to'liq yoritilmagan. Shuningdek, huquqiy prinsiplarning huquqning turli sohalarida qo'llanilishining o'ziga xos xususiyatlari hamda huquq funksiyalarining amaliy ijrosidagi ahamiyati yetarli darajada tadqiq qilinmagan. Shu sababli, ushbu tadqiqotn ...