MUSTAQIL ISH

KIRISH Bugungi global iqtisodiyotda inflyatsiya fenomeni har bir davlatning moliyaviy barqarorligi va aholi farovonligiga bevosita ta'sir ko'rsatuvchi eng muhim makroiqtisodiy muammolardan biridir. Pulning qadrini yo'qotishi, narxlar umumiy darajasining uzluksiz oshishi bilan tavsiflanuvchi inflyatsiya, iqtisodiy o'sish sur'atlarini sekinlashtirishi, investitsiya muhitini yomonlashtirishi va jamiyatda ijtimoiy keskinlikni keltirib chiqarishi mumkin. Ayniqsa, rivojlanayotgan mamlakatlarda, shu jumladan O'zbekistonda ham inflyatsiya xavfi jiddiy e'tiborni talab etadi, chunki u iqtisodiy islohotlar samardorligini pasaytirib, aholining xarid qobiliyatiga salbiy ta'sir ko'rsatadi. Shu boisdan, inflyatsiyaning mohiyatini, uning turlarini chuqur o'rganish va unga qarshi samarali siyosatni ishlab chiqish har doim dolzarb bo'lib qoladi. Ushbu tadqiqotda inflyatsiyaning iqtisodiy mohiyati, uning kelib chiqish sabablari va iqtisodiyotga ta'sirini har tomonlama tahlil qilish, shuningdek, inflyatsiyaning turli xillarini (talab inflyatsiyasi, taklif inflyatsiyasi, kutilgan inflyatsiya va boshqalar) batafsil ko'rib chiqishga alohida e'tibor qaratiladi. Muammoning qo'yilishi shundan iboratki, inflyatsiya sharoitida pul-kredit siyosati, fiskal siyosat va institutsional choralar orqali qanday qilib barqarorlikni ta'minlash mumkinligini aniqlash zarur. Tadqiqotning asosiy maqsadi inflyatsiyaning zamonaviy turlarini klassifikatsiyalash, uning kelib chiqish mexanizmlarini ochib berish va unga qarshi qo'llaniladigan antiinflyatsion siyosatning samaradorligini baholash orqali O'zbekiston sharoitida inflyatsiyani jilovlash bo'yicha amaliy tavsiyalar ishlab chiqishdan iborat. Belgilangan maqsadlarga erishish uchun quyidagi vazifalar qo'yiladi: inflyatsiya nazariyalarini tahlil qilish; inflyatsiyaning zamonaviy iqtisodiyotdagi xususiyatlarini aniqlash; inflyatsiyaning turli turlarini va ularning xalqaro tajribadagi namoyon bo'lishini o'rganish; antiinflyatsion siyosatning asosiy vositalari ...