MUSTAQIL ISH

KIRISH Bugungi kunda globallashuv jarayonlari kuchayib borayotgan, mamlakatlar o'zaro aloqadorligi ortayotgan bir sharoitda inson huquqlari va erkinliklarini ta'minlash, himoya qilish masalasi jahon hamjamiyati uchun eng muhim va dolzarb vazifalardan biriga aylangan. Inson qadr-qimmatini ulug'lash, har bir shaxsning teng huquqliligi va erkinligini kafolatlash, ta'lim, mehnat, xavfsizlik va o'zini namoyon qilish kabi asosiy huquqlarni real hayotga tatbiq etish har qanday adolatli va demokratik jamiyatning tayanch ustunlaridan hisoblanadi. Aynan shu jihatdan, Inson huquqlari umumjaxon deklaratsiyasi (keyingi o'rinlarda – Deklaratsiya) nafaqat o'z davri uchun, balki hozirgi kunda ham inson huquqlari sohasidagi xalqaro standartlarni belgilovchi fundamental hujjat sifatida o'z ahamiyatini yo'qotmagan. Deklaratsiyaning qabul qilinishi inson huquqlarini himoya qilishning xalqaro huquqiy mexanizmlarini shakllantirishda hal qiluvchi rol o'ynadi va bugungi kunda ham davlatlar va xalqaro tashkilotlar faoliyatiga o'z ta'sirini ko'rsatib kelmoqda. Shu nuqtai nazardan, Inson huquqlari umumjaxon deklaratsiyasining mohiyatini, uning qabul qilinishiga olib kelgan tarixiy sharoitlarni, unda aks etgan asosiy prinsiplarni hamda ushbu Deklaratsiyaning inson huquqlarini himoya qilishdagi va rivojlantirishdagi real rolini atroflicha o'rganish bugungi kun talabidir. Tadqiqot oldiga qo'yilgan asosiy muammo Deklaratsiyaning nazariy jihatdan muhimligi bilan bir qatorda, uning xalqaro va milliy darajada inson huquqlarini himoya qilish amaliyotiga qanday ta'sir ko'rsatayotganligini aniqlashdan iborat. Shu maqsadda, mazkur tadqiqotning asosiy maqsadi – Inson huquqlari umumjaxon deklaratsiyasining inson huquqlari sohasidagi o'rni, ahamiyati va amaliy ta'sirini ilmiy tahlildan o'tkazishdir. Ushbu maqsadga erishish uchun tadqiqot quyidagi asosiy vazifalarni bajaradi: birinchidan, Deklaratsiyaning qabul qilinishining tarixiy va siyosiy kontekstini tahlil qilish; ikkinchidan, Deklaratsiyada bayon e ...