MUSTAQIL ISH

KIRISH O'zbekiston mustaqillikka erishganidan so'ng, mamlakatimiz ijtimoiy-siyosiy hayotida, madaniyat va san'at sohasida tub o'zgarishlar yuz berdi. Adabiyot ham bu jarayonlardan chetda qolmadi. Istiqlol adabiyotshunosligimiz oldiga yangi talablar qo'ydi, milliy adabiy qadriyatlarni qayta baholash, jahon adabiy jarayonlari bilan integratsiyalashuv kabi muhim masalalarni kun tartibiga olib chiqdi. Shu nuqtai nazardan, "Istiqlol va bugungi adabiy estetik qarashlar" mavzusini tadqiq etish bugungi adabiyotshunoslik nazariyasi uchun g'oyat dolzarb ahamiyat kasb etadi. Mustaqillik davri adabiyoti shakllanishida estetik prinsiplar, ijodiy erkinlik, yangi g'oyaviy-badiiy izlanishlar asosiy o'rin tutdi. Bugungi kunda ham adabiyotimiz rivoji bilan bog'liq har qanday mulohaza, tahlil va xulosalar istiqlol davri adabiy estetik qarashlari kontekstida ko'rib chiqilishi zarur. Mazkur mavzu nafaqat o'zbek adabiyotshunosligining nazariy asoslarini boyitishga xizmat qiladi, balki milliy adabiy tafakkurning evolyutsiyasini tushunish, yosh avlodning estetik didini shakllantirishda ham muhim rol o'ynaydi. Zero, adabiyot – jamiyatning ma'naviy-axloqiy qiyofasini aks ettiruvchi ko'zgu bo'lib, undagi estetik qarashlar davr ruhini, xalqning orzu-intilishlarini, ma'naviy kamolotini o'zida mujassam etadi. Mustaqillik davri adabiyotining rivojlanish sur'atlari, janrlar xilma-xilligi, uslubiy izlanishlar ko'lami, shuningdek, dunyo adabiy jarayonlari ta'sirida yuzaga kelgan yangi adabiy estetik mezonlar, an'ana va novatorlik muammosi bugungi adabiyotshunoslikning muhim tadqiqot ob'ektiga aylangan. Mazkur tadqiqotning asosiy muammosi istiqlol sharoitida adabiy estetik qarashlarning shakllanishi, evolyutsiyasi, o'ziga xos xususiyatlari, shu jumladan, milliy qadriyatlar va umuminsoniy g'oyalarning sintezi, shuningdek, jahon adabiyoti ta'siri ostida yuzaga kelgan yangi estetik kategoriyalar va ularning zamonaviy adabiy jarayondagi o'rni va ahamiyatini ilmiy-nazariy jihatdan asoslab berishdan ibora ...