MUSTAQIL ISH

KIRISH Bugungi kunda ta'lim-tarbiya jarayonida yoshlarning har tomonlama kamol topishi, ularda milliy va umuminsoniy qadriyatlarga hurmat tuyg'usini shakllantirish, ma'naviy-axloqiy fazilatlarni rivojlantirish har qachongidan ham dolzarb ahamiyat kasb etmoqda. Jamiyatimizda yoshlarga doir davlat siyosatining ustuvor yo'nalishlaridan biri bo'lgan samarali tarbiya tizimini yaratish, ularni zararli g'oyalar va yot ta'sirlardan himoya qilish masalasi ta'lim muassasalari oldiga jiddiy vazifalarni qo'ymoqda. Ayniqsa, maktablarda o'quvchi yoshlar bilan olib boriladigan tarbiyaviy ishlarning samaradorligini oshirish, bu jarayonda barcha ijtimoiy institutlarning o'zaro hamkorligini ta'minlash bugungi kunning asosiy ehtiyojidir. Mana shunday sharoitda, mahallaning jamiyatdagi o'rni va nufuzini hisobga olgan holda, "Mahalla yettiligi" faoliyatini maktabdagi tarbiyaviy jarayonlarga tizimli integratsiya qilish orqali yoshlarning tarbiyasini yanada mustahkamlash masalasi dolzarb ahamiyatga ega. Ushbu tizimni to'g'ri yo'lga qo'yish, uning imkoniyatlaridan maksimal darajada foydalanish yoshlar tarbiyasida yangi va samarali yo'nalishlarni ochib beradi. Zero, barkamol avlodni tarbiyalash – bu nafaqat ta'lim muassasalari, balki butun jamiyatning umumiy vazifasidir. [rasm]} Yoshlar tarbiyasida duch kelinayotgan muammolar, jumladan, ularning bo'sh vaqtini mazmunli tashkil etishdagi qiyinchiliklar, ijtimoiy-huquqiy ongi va madaniyatini oshirish zaruriyati, ma'naviy tahdidlarga qarshi immunitetni shakllantirish muhimligi ushbu tadqiqotning asosiy muammosini tashkil etadi. Maktabda o'quvchi yoshlar bilan tarbiyaviy ishlarni tashkil etishda an'anaviy yondashuvlarning o'zi yetarli bo'lmayotgani, zamonaviy axborot makonining yoshlar ongiga ta'siri kuchayib borayotganligi, shuningdek, oila, mahalla va maktab o'rtasidagi samarali hamkorlik mexanizmlarining yetarli darajada yo'lga qo'yilmaganligi ushbu muammoni yanada chuqurlashtirmoqda. Ushbu tadqiqotning maqsadi maktabda o'quvchi yoshlar bil ...