MUSTAQIL ISH

KIRISH Hozirgi globallashuv davrida har bir shaxsning huquqiy savodxonligi va ongi jamiyat taraqqiyotining muhim shartlaridan biridir. Bolalik davrida shakllanadigan huquqiy ong, kelajakda fuqarolarning mas'uliyatli, qonunlarga hurmat bilan qaraydigan va o'z huquqlarini biladigan shaxs bo'lib yetishishida hal qiluvchi rol o'ynaydi. Ayniqsa, maktabgacha ta'lim tizimida huquqiy tarbiya masalasi dolzarb ahamiyat kasb etib, bolalarda ijtimoiy-huquqiy normalarga dastlabki tushunchalarni singdirish, ularning shaxs sifatida shakllanishining ilk bosqichlaridan boshlab adolat, tenglik, hurmat kabi qadriyatlarni o'zlashtirishiga zamin yaratadi. Bu esa, o'z navbatida, huquqiy demokratik davlat va fuqarolik jamiyatini qurish yo'lidagi asosiy omillardan biridir. Shu bois, maktabgacha ta'limda huquqiy ong tushunchasini atroflicha o'rganish va uni amaliyotga tatbiq etish bugungi kunning dolzarb vazifasidir. Maktabgacha ta'limda huquqiy ong masalasi zamonaviy jamiyatning ijtimoiy-siyosiy va madaniy rivojlanishida muhim o'rin tutadi. Ushbu muammo o'z ichiga huquqiy madaniyatning shakllanishi, huquqiy tarbiyaning samarali metod va shakllarini topish, shuningdek, bolalarning yosh xususiyatlariga mos keladigan huquqiy bilimlarni yetkazishni qamrab oladi. Ushbu tadqiqotning asosiy maqsadi maktabgacha ta'lim yoshidagi bolalarda huquqiy ongni shakllantirishning nazariy-metodologik asoslarini chuqur tahlil qilish, ularning amaliy mexanizmlarini ishlab chiqish va optimallashtirishdan iborat. Bu maqsadga erishish orqali bolalarda ijtimoiy-huquqiy kompetensiyalarini rivojlantirishga ko'maklashish nazarda tutilgan. Belgilangan maqsadga erishish uchun quyidagi asosiy vazifalar bajariladi: maktabgacha ta'limda huquqiy ongning nazariy asoslarini o'rganish, uning tarkibiy qismlarini aniqlash; maktabgacha yoshdagi bolalarda huquqiy ongni shakllantirishning pedagogik shart-sharoitlarini tahlil qilish; xorijiy mamlakatlar tajribasini o'rganib chiqish va ularni O'zbekiston sharoitiga moslashtirish i ...