MUSTAQIL ISH

KIRISH Bugungi globallashgan dunyoda turli madaniyatlar, e'tiqodlar va g'oyalar to'qnashuvi kuzatilmoqda. Ushbu jarayonlar fonida diniy mansublik, e'tiqodlarning tarqalishi va boshqa din vakillariga nisbatan munosabat masalalari tobora dolzarb tus olmoqda. Ayniqsa, missanerlik va prozelitizm hodisalari nafaqat diniy, balki ijtimoiy, siyosiy va huquqiy jihatdan ham jiddiy muhokamalarga sabab bo'lmoqda. Ushbu hodisalar jamiyat barqarorligiga, fuqarolar o'rtasidagi o'zaro ishonch va hurmatga, davlatning diniy siyosatiga bevosita ta'sir ko'rsatish salohiyatiga ega. Missanerlikning tarixiy ildizlari qadimga borib taqaladi va u qator tsivilizatsiyalarning shakllanishida muhim rol o'ynagan. Ammo bugungi kunda bu amaliyotlar ko'pincha diniy murosasizlik, fundamentalizm va hatto ekstremizm bilan bog'liq bo'lgan salbiy oqibatlarga olib kelishi mumkinligi xavotirlarni keltirib chiqarmoqda. Shu bois, missanerlik va prozelitizmning mohiyatini, ularning kelib chiqish sabablarini, rivojlanish bosqichlarini, shuningdek, zamonaviy jamiyatga ta'sirini har tomonlama o'rganish muhim ahamiyat kasb etadi. Bu jarayonlarni to'g'ri tahlil qilish orqali diniy bag'rikenglikni ta'minlash, dinlararo muloqotni rivojlantirish va millatlararo totuvlikni mustahkamlash yo'llarini topish mumkin. Mazkur tadqiqotning asosiy muammosi missanerlik va prozelitizm hodisalarini ilmiy-nazariy jihatdan tahlil qilish, ularning diniy, ijtimoiy, huquqiy va axloqiy oqibatlarini aniqlashdan iborat. Bu borada, "missanerlik" va "prozelitizm" tushunchalari o'rtasidagi farqni aniqlash, ularning tarixiy va zamonaviy ko'rinishlarini o'rganish, shuningdek, O'zbekiston sharoitida bu hodisalarga nisbatan huquqiy va ijtimoiy munosabatni tahlil qilish muhimdir. Tadqiqotning maqsadi esa diniy erkinlik tamoyillariga zid kelmaydigan, shu bilan birga, fuqarolarning diniy his-tuyg'ularini himoya qiluvchi, jamiyatda tinchlik va barqarorlikni ta'minlovchi samarali mexanizmlarni ishlab chiqishga xizmat qiladigan ilmiy asoslarni yara ...