MUSTAQIL ISH

KIRISH Bugungi kunda davlat boshqaruvi samaradorligini oshirish, fuqarolarning ishonchini qozonish va jamiyatda shaffoflikni ta'minlash masalasi global miqyosda muhim ahamiyat kasb etmoqda. Axborot texnologiyalarining jadal rivojlanishi davlat xizmatlarini elektron shaklga o'tkazish, davlat byudjeti jarayonlari haqida ma'lumotlarni ochiq e'lon qilish va fuqarolarning ushbu jarayonlarda faol ishtirok etishiga sharoit yaratmoqda. Ayniqsa, byudjet shaffofligi va ochiqligi iqtisodiy barqarorlikni ta'minlash, korrupsiyaning oldini olish, byudjet mablag'laridan maqsadli va samarali foydalanishni nazorat qilishda asosiy vosita bo'lib xizmat qiladi. O'zbekiston Respublikasida so'nggi yillarda amalga oshirilayotgan islohotlar doirasida davlat byudjetining ochiqligini ta'minlashga alohida e'tibor qaratilmoqda. "Ochiq byudjet" portali bu yo'nalishdagi eng muhim qadamlardan biri bo'lib, u fuqarolarga byudjet jarayonlari haqida to'liq va operativ ma'lumot olish, byudjet mablag'larining sarflanishini kuzatish va hatto byudjet taqsimotida ishtirok etish imkoniyatini yaratmoqda. Bu esa nafaqat davlat boshqaruvi sifatini oshirishga, balki fuqarolik jamiyati institutlarining byudjet nazoratidagi rolini kuchaytirishga ham xizmat qiladi. Shu nuqtai nazardan, "Ochiq byudjet" portali faoliyati va uning jamoatchilik nazoratini amalga oshirishdagi o'rni chuqur ilmiy tahlilni talab etadi. Masalaning dolzarbligi shundaki, byudjet jarayonlarining ochiqligi demokratik davlat qurilishining asosiy tamoyillaridan biri hisoblanadi. Jamiyatning byudjet jarayonlarida ishtirok etishi, byudjet mablag'larining shaffof sarflanishini nazorat qilishi davlat organlarining mas'uliyatini oshiradi, samaradorligini ta'minlaydi. Biroq, mavjud normativ-huquqiy bazani tahlil qilish, portalning amaliy faoliyatini o'rganish va uning jamoatchilik nazoratini ta'minlashdagi imkoniyatlari hamda muammolarini aniqlash zarurati mavjud. Ushbu tadqiqotning maqsadi "Ochiq byudjet" portalining moliyaviy huquqiy asoslarini, u ...