MUSTAQIL ISH

KIRISH Bugungi globallashuv davrida jamiyatning asosiy bo'g'ini bo'lgan oilaning o'rni va uning hayot sikli jarayonlari jiddiy o'zgarishlarga duch kelmoqda. Ilgari an'anaviy tuzilmalarga asoslangan oilalar hozirgi kunda iqtisodiy, ijtimoiy va madaniy omillar ta'siri ostida yangi shakl va mazmun kasb etmoqda. Oila hayot sikli, ya'ni oilaning shakllanishidan boshlab, uning rivojlanishi, inqiroz davrlari va tarqalishigacha bo'lgan bosqichlarni tushunish, jamiyatda barqarorlikni ta'minlash va oilaviy qadriyatlarni saqlab qolish uchun muhim ahamiyatga ega. Gender rollarining o'zgarishi, ayollarning mehnat bozorida faol ishtirok etishi, nikoh yoshining kechikishi, farzand ko'rishga bo'lgan yondashuvlarning o'zgarishi kabi tendensiyalar oila hayot siklining har bir bosqichiga sezilarli ta'sir ko'rsatmoqda. Bu o'zgarishlar oila a'zolari o'rtasidagi munosabatlarga, ijtimoiy moslashuvga va jamiyatdagi mavqeiga bevosita bog'liqdir. Shu sababli, oila hayot siklining hozirgi zamon talablariga mos ravishda chuqur tahlil etish, uning dolzarb muammolarini aniqlash va yechim yo'llarini izlash nafaqat sotsiologik, balki ijtimoiy, iqtisodiy va madaniy nuqtai nazardan ham o'ta muhimdir. [rasm]} Ushbu tadqiqot oila hayot siklining zamonaviy sotsiologik jihatdan chuqur tahlilini o'tkazish, undagi yangi tendensiyalarni aniqlash va ularning jamiyatga ta'sirini baholashga qaratilgan. Tadqiqotning asosiy maqsadi oila hayot siklining turli bosqichlarida yuzaga kelayotgan o'zgarishlar, muammolar va qiyinchiliklarni aniqlash hamda ularni bartaraf etish bo'yicha ilmiy asoslangan taklif va tavsiyalar ishlab chiqishdir. Xususan, oila shakllanishi, farzand tarbiyasi, oilaviy munosabatlar, ajralishlar va qayta nikohlanish kabi jarayonlarda gender omilining o'rni va ta'sirini atroflicha o'rganish muhimdir. Jamiyatning tezkor rivojlanishi sharoitida oilaning barqarorligini ta'minlash, kelajak avlodlarga sog'lom va mustahkam oilaviy qadriyatlarni singdirish jamiyat oldida turgan eng muhim vazifalarda ...