MUSTAQIL ISH

KIRISH Hozirgi globallashuv davrida, jamiyatning har bir a'zosini uyg'un kamol toptirish, ularning shaxsiy va ijtimoiy salohiyatini ro'yobga chiqarish har qachongidan ham dolzarb ahamiyat kasb etmoqda. Ushbu jarayonda oila va maktab – bolaning shaxs sifatida shakllanishining ikki asosiy ustuni sifatida bir-birini to'ldiruvchi, o'zaro ta'sirchan tizimlardir. O'zbekistonning ta'lim siyosatida ham oila va maktab hamkorligini mustahkamlash, ularning bolalar tarbiyasi va ta'limidagi o'rnini oshirishga alohida e'tibor qaratilmoqda. Xususan, "Uchinchi Renessans poydevori"ni yaratish g'oyasi ilgari surilayotgan bir sharoitda, inson kapitalini rivojlantirishning asosiy omillaridan biri sifatida oila va maktabning samarali o'zaro aloqasi zamonaviy pedagogikaning eng muhim yo'nalishlaridan biri hisoblanadi. Jamiyatning rivojlanishi bevosita yosh avlodning intellektual va ma'naviy salohiyatiga bog'liq bo'lganligi sababli, ta'lim muassasalari va ota-onalar o'rtasidagi yaqin aloqalar bolaning har tomonlama rivojlanishi, uning muvaffaqiyatli ijtimoylashuvi va kelajakdagi hayot yo'lidagi muvaffaqiyatlari uchun asos yaratadi. Ushbu hamkorlik bolaning o'quv faoliyatidagi yutuqlarini oshirishdan tortib, uning ijtimoiy-axloqiy qadriyatlarni o'zlashtirishigacha bo'lgan keng qamrovli jarayonlarni qamrab oladi. Shu nuqtai nazardan, hozirgi kunda ta'lim tizimida uchraydigan muammolardan biri – bu ayrim ota-onalarning maktab hayotidagi faol ishtirokining sustligi, ularning bolalarining o'quv jarayonidagi muvaffaqiyatlariga yetarli e'tibor bermasligi yoki maktab bilan samarali kommunikatsiyaning yo'qligidir. Aksincha, maktablarning ham ota-onalar bilan ishlashda bir xil yondashuv va mexanizmlardan foydalanib, individual yondashuvni ta'minlay olmasligi kuzatilmoqda. Bu esa o'quvchilarning o'zlashtirishida, xulq-atvorida salbiy holatlarni keltirib chiqarishi mumkin. Ushbu muammoni hal etish orqali oila va maktab o'rtasidagi munosabatlarni mustahkamlash, ularning o'zaro mas'uliyatini oshirish ...