MUSTAQIL ISH

KIRISH O'rta Osiyo mutafakkirlarining ilmiy nazariy qarashlari bugungi kunda ham o'zining dolzarbligini yo'qotmagan bo'lib, insoniyatning intellektual va ma'naviy taraqqiyotida muhim o'rin tutadi. Ayniqsa, global miqyosda yuz berayotgan madaniy, ijtimoiy va psixologik o'zgarishlar sharoitida ularning falsafiy, tibbiy, mantiqiy va psixologik g'oyalarini qayta o'rganish va zamonaviy fan yutuqlari bilan uyg'unlashtirish juda muhimdir. Ulug' ajdodlarimizning asarlarida inson tabiati, shaxs shakllanishi, aqliy rivojlanish qonuniyatlari, xulq-atvor motivatsiyalari kabi masalalarga chuqur yondashuvlar mavjud. Ushbu merosni o'rganish nafaqat tariximizni anglash, balki hozirgi kunda inson psixikasining murakkab mexanizmlarini tushunish va kelajak avlodlarni tarbiyalashda yangi yondashuvlarni ishlab chiqish uchun mustahkam poydevor yaratadi. O'rta Osiyo olimlarining inson psixikasiga oid g'oyalari, differensial psixologiya va rivojlanish psixologiyasi nuqtai nazaridan tahlil qilinishi ushbu sohalarning nazariy asoslarini boyitishga xizmat qiladi. Mazkur tadqiqotda O'rta Osiyo mutafakkirlarining ilmiy-nazariy qarashlarining rivojlanish va differensial psixologiya fanlari uchun ahamiyatini ochib berishga qaratilgan. Asosiy muammo shundaki, ulug' ajdodlarimizning psixologiyaga oid boy merosi zamonaviy psixologik nazariyalar kontekstida yetarlicha chuqur o'rganilmagan. Ular asarlarida ifodalangan insonning shaxsiy xususiyatlari, aqliy qobiliyatlari, ruhiy holatlari va ularning rivojlanish bosqichlari haqidagi g'oyalarni tizimlashtirish va bugungi psixologik tushunchalar bilan qiyosiy tahlil qilish zaruriyati mavjud. Tadqiqotning asosiy maqsadi O'rta Osiyo mutafakkirlarining psixologik merosini rivojlanish va differensial psixologiya nuqtai nazaridan kompleks tahlil qilish, ularning g'oyalarini zamonaviy psixologik bilimlar bilan sintezlash va ularning amaliy ahamiyatini ko'rsatib berishdan iborat. Belgilangan maqsadga erishish uchun bir qator vazifalar qo'yilgan. Birinchidan, O ...