MUSTAQIL ISH

KIRISH Globalizm va axborot texnologiyalarining shiddat bilan rivojlanayotgan bugungi davrida har bir davlatning barqaror rivojlanishi, ijtimoiy-siyosiy hamda iqtisodiy mustaqilligining ta'minlanishi ko'p jihatdan jamiyatda qonun ustuvorligi va huquqiy tartibotning ta'minlanishiga bog'liqdir. Shu bilan birga, korrupsiya kabi salbiy illatga qarshi samarali kurashish mamlakatning har tomonlama taraqqiyoti uchun asosiy shartlardan biri hisoblanadi. O'zbekiston Respublikasida so'nggi yillarda Prezident Shavkat Mirziyoyev rahbarligida amalga oshirilayotgan keng ko'lamli islohotlar, ayniqsa "Yangi O'zbekiston" strategiyasi doirasida davlat boshqaruvi, iqtisodiyot va ijtimoiy sohalarda shaffoflikni oshirish, adolat va qonun ustuvorligini ta'minlashga qaratilgan qator muhim qadamlar tashlanmoqda. Bu jarayonda korrupsiyaga qarshi kurashish davlat siyosatining ustuvor yo'nalishlaridan biri sifatida belgilangan. Chunki korrupsiya nafaqat iqtisodiy o'sishga to'siq bo'ladi, balki jamiyatdagi adolat tuyg'usini buzadi, fuqarolarning davlatga bo'lgan ishonchini pasaytiradi va huquqiy ong hamda madaniyatni shakllantirishga salbiy ta'sir ko'rsatadi. Bu holat O'zbekistonning jahon hamjamiyatida o'z munosib o'rnini egallashi, investitsion jozibadorligini oshirishi va demokratik islohotlarni chuqurlashtirishi uchun katta xavf tug'diradi. Shunday ekan, korrupsiyaga qarshi samarali kurashish va bu yo'lda aholining huquqiy ongini yuksaltirish, jamiyatda korrupsiyaga nisbatan murosasiz munosabatni shakllantirishga qaratilgan harakatlar bugungi kunning eng dolzarb vazifalaridan sanaladi. [rasm]} O'zbekiston Respublikasida korrupsiyaga qarshi kurashish tizimini takomillashtirishga qaratilgan keng qamrovli huquqiy-tashkiliy choralar doirasida 2017 yil 3 yanvarda "Korrupsiyaga qarshi kurashish to'g'risida"gi O'zbekiston Respublikasi Qonuni qabul qilindi. Ushbu Qonun davlat siyosatining korrupsiyaga qarshi kurashish sohasidagi asosiy tamoyillarini belgilash, ushbu illatning oldini olish va ung ...