MUSTAQIL ISH

KIRISH Zamonaviy texnologiyalarning jadal rivojlanishi sharoitida har qanday tarmoq, ayniqsa transport sohasi uchun axborot almashinuvi tezligi va ishonchliligi muhim ahamiyat kasb etadi. O'zbekiston temir yo'llari AJ tizimida harakatdagi temir yo'l transportida optik tola tizimlarining zamonaviy apparaturalari asosida aloqa infratuzilmasini qurish masalasi nafaqat texnik taraqqiyot, balki iqtisodiy samaradorlik va xavfsizlik nuqtai nazaridan ham juda dolzarbdir. Global miqyosda raqamli transformatsiya jarayonlari davom etayotgan bir paytda, transportda axborot-kommunikatsiya texnologiyalarini joriy etish, ayniqsa temir yo'l transportida aloqa tizimlarini modernizatsiya qilish, xalqaro standartlarga mos keladigan va kelajak talablariga javob beradigan barqaror tizimni yaratishni taqozo etadi. Optik tola texnologiyalari ma'lumot uzatishning yuqori tezligi, katta o'tkazish qobiliyati, elektromagnit parazitlarga chidamliligi va uzoq masofalarga ishonchli aloqani ta'minlashi bilan ajralib turadi. Bu esa temir yo'l transporti kabi murakkab va mas'uliyatli sohada aloqa tizimlarining ishonchliligi va xavfsizligini oshirishda hal qiluvchi rol o'ynaydi. Transportda telkammunikatsiya tizimlari fanining asosiy yo'nalishlaridan biri bo'lgan bu mavzu, O'zbekiston temir yo'llari AJning texnik imkoniyatlarini kengaytirish va xizmat sifatini oshirishga bevosita ta'sir ko'rsatadi. Bu esa nafaqat milliy, balki mintaqaviy va xalqaro temir yo'l koridorlarida ham O'zbekistonning raqobatbardoshligini oshirishga xizmat qiladi. Hozirgi kunda O'zbekiston temir yo'llari AJda mavjud aloqa tizimlarining bir qismi ma'naviy va jismonan eskirgan bo'lib, ular zamonaviy tezlik va yuklama talablariga to'liq javob bera olmayapti. Eski mis kabelli tizimlar ma'lumot uzatish tezligi, shovqinlarga chidamlilik va uzoq masofalarga aloqa o'rnatishda cheklovlarga ega. Ushbu cheklovlar harakatlanuvchi tarkib va markaziy boshqaruv punktlari o'rtasida real vaqt rejimida tezkor va ishonchli ma'lumot almashinuvi ...