MUSTAQIL ISH

KIRISH Globallashuv sharoitida O'zbekistonning jahon hamjamiyatiga integratsiyalashuvi madaniy diplomatiya va xalqaro tashkilotlar bilan faol hamkorlik orqali amalga oshirilmoqda. Bu jarayonda Birlashgan Millatlar Tashkilotining Ta'lim, fan va madaniyat masalalari bo'yicha tashkiloti (YUNESKO) muhim rol o'ynaydi. O'zbekistonning boy madaniy merosi, qadimiy an'analari va betakror san'ati jahon sivilizatsiyasiga qo'shgan hissasi bilan bevosita bog'liq. YUNESKO bilan hamkorlik nafaqat O'zbekistonning madaniy qadriyatlarini xalqaro miqyosda targ'ib qilishga xizmat qiladi, balki ushbu qadriyatlarni asrab-avaylash, tiklash va kelajak avlodlarga yetkazish bo'yicha global sa'y-harakatlarga hissa qo'shish imkonini beradi. Bugungi kunda xalqaro madaniy hamkorlik nafaqat davlatlararo munosabatlarni mustahkamlash, balki o'ziga xos milliy qadriyatlarni global madaniy oqimlar ichida saqlab qolish va ularning o'ziga xosligini ta'minlashda ham muhim ahamiyat kasb etadi. O'zbekistonning YUNESKO bilan hamkorligi madaniy xilma-xillikni targ'ib qilish, umuminsoniy qadriyatlarni shakllantirish va madaniyatlararo muloqotni rivojlantirishga qaratilgan bo'lib, bu jarayon mamlakatning xalqaro obro'sini oshirishga va uning jahon madaniy makonidagi o'rnini mustahkamlashga bevosita ta'sir ko'rsatadi. Bu, o'z navbatida, madaniyat va milliy meros sohasidagi globallashuvning ijobiy jihatlarini namoyon etuvchi yorqin misollardan biridir. [rasm]} Ushbu tadqiqot globallashuv sharoitida O'zbekiston va YUNESKO o'rtasidagi hamkorlikning madaniyat va milliy merosni asrash, targ'ib qilishdagi o'ziga xos xususiyatlari va samaradorligini tahlil qilishni maqsad qilgan. Bugungi kunda global tendensiyalar va texnologik inqiloblar madaniy qadriyatlar va milliy o'ziga xoslikka turli darajada ta'sir ko'rsatmoqda. Bu sharoitda YUNESKO kabi tashkilotlar bilan hamkorlikning ahamiyati yanada ortadi, chunki ular madaniy merosni himoya qilish va targ'ib qilish bo'yicha global standartlar va mexanizmlarni taqdim etad ...