MUSTAQIL ISH

KIRISH Bugungi kunda O‘zbekiston Respublikasi jinoyat-ijroiya siyosatining asosiy yo‘nalishlaridan biri sud tomonidan tayinlangan jazolarni ijro etish jarayonida insonparvarlik tamoyillarini, ayniqsa, ozodlikni cheklash tarzidagi jazoni ijro etishda jazolarning o‘rnini tubdan o‘zgartirish hamda jinoyat sodir etgan shaxslarni jamiyatga qaytarishga qaratilgan islohotlarni amalga oshirishdir. Ozodlikni cheklash jazosi dunyoning ko‘plab davlatlarida qo‘llanilayotgan muqobil jazolardan biri bo‘lib, ushbu turdagi jazolarni ijro etishning samaradorligini ta'minlash, nazoratni kuchaytirish va nazoratdan bo‘yin tovlash holatlarining oldini olish dolzarb masalalar qatoriga kiradi. Aynan shu jihatdan, elektron nazorat vositalarining, xususan, elektron brasletlarning qo‘llanilishi mazkur jazoni ijro etish tizimini takomillashtirishda muhim rol o‘ynaydi. Shu bilan birga, ozodlikni cheklash tariqasidagi jazoni o‘tashdan qasddan bo‘yin tovlash holatlari va ularning huquqiy oqibatlari ham huquq tizimida jiddiy muammolarni keltirib chiqaradi. Ushbu mavzu hozirgi davrda O‘zbekiston Respublikasining sud qarorlarini ijro etish va probatsiya faoliyati sohasidagi huquqiy va amaliy muammolarni tahlil qilish nuqtai nazaridan katta ilmiy va amaliy ahamiyatga egadir. Ushbu tadqiqotning asosiy muammosi O‘zbekiston Respublikasida ozodlikni cheklash jazosiga hukm qilingan shaxslar xulq-atvori ustidan nazoratni amalga oshirish jarayonida elektron brasletni qo‘llashning huquqiy va amaliy jihatlarini chuqur o‘rganish zarurati hamda ushbu jazoni o‘tashdan qasddan bo‘yin tovlashning huquqiy oqibatlarini tahlil qilishdan iborat. Mavjud huquqiy normalar, ushbu jazo turini ijro etishda nazoratni amalga oshirish mexanizmlari, shuningdek, nazoratdan qochish holatlarining oldini olish va ularga qarshi kurashish bo‘yicha takomillashtirishga muhtoj jihatlar mavjudligi mazkur tadqiqotning maqsadini belgilab beradi. Tadqiqotning asosiy maqsadi – ozodlikni cheklash jazosini o‘tashda elektron brasletni qo‘llas ...