MUSTAQIL ISH

KIRISH Geografiya fani insoniyatning atrof-muhit bilan o'zaro munosabatlarini, makoniy jarayonlar va hodisalarni o'rganuvchi fundamental yo'nalish bo'lib, uning iqtisodiy va ijtimoiy aspektlari jamiyat taraqqiyotida muhim o'rin tutadi. Globalizatsiya, urbanizatsiya, resurslar tanqisligi, iqlim o'zgarishlari kabi zamonaviy muammolar sharoitida iqtisodiy va ijtimoiy geografiyaning roli yanada ortib bormoqda. Ushbu fan inson faoliyatining hududiy tashkil etilishini, iqtisodiy jarayonlarning makoniy jihatlarini, aholining joylashuvi, migratsiya, ijtimoiy tengsizlik kabi masalalarni tahlil qilish orqali barqaror rivojlanish strategiyalarini ishlab chiqishga, hududiy siyosatni shakllantirishga va jamiyat ehtiyojlariga javob beradigan samarali yechimlarni topishga yordam beradi. Mazkur fan sohasining rivojlanishida Piter Haggett, Devid Xarvi, Uilyam Bunge va RJ. Jonston kabi yetuk olimlarning hissasi beqiyosdir. Ularning ilmiy izlanishlari geografik fikrlashni tubdan o'zgartirib, fan metodologiyasiga yangi yondashuvlarni olib kirgan va hozirgi kundagi geografik tadqiqotlar uchun mustahkam nazariy asos yaratgan. Shu nuqtai nazardan, ularning merosini o'rganish nafaqat geografiya tarixi, balki zamonaviy iqtisodiy va ijtimoiy geografiya nazariyasi hamda amaliyoti uchun ham dolzarb ahamiyat kasb etadi. Iqtisodiy va ijtimoiy geografiya fanining rivojlanishida muhim rol o'ynagan bu to'rt nafar olimning nazariy qarashlari, metodologik yondashuvlari va ularning ilmiy maktablari chuqur tahlil qilinmaganligi, ayniqsa, o'zbek tilidagi ilmiy adabiyotlarda ularning kompleks bahosi yetarli darajada berilmaganligi muammoning asosini tashkil etadi. Mavjud tadqiqotlar ko'pincha ushbu olimlarning faqat ayrim asarlari yoki alohida kontseptsiyalariga e'tibor qaratib, ularning umumiy ilmiy merosi va geografik fikr taraqqiyotiga qo'shgan tizimli hissasi to'liq yoritilmagan. Shu sababli, ushbu tadqiqotning maqsadi P. Haggett, D. Xarvi, U. Bunge va RJ. Jonstonning iqtisodiy va ijtimoiy geografiy ...