MUSTAQIL ISH

KIRISH Hozirgi globallashuv va axborot texnologiyalari jadal rivojlanayotgan davrda shaxsning to'liqqonli shakllanishida, uning jamiyatda o'z o'rnini topishida og'zaki va yozma nutq madaniyatining yuksak darajasi hal qiluvchi ahamiyat kasb etadi. Ayniqsa, yozma nutq, zamonaviy jamiyatda ma'lumot almashishning asosiy vositasi sifatida, uning aniqligi, ravonligi va to'g'riligi orqali shaxsning intellektual salohiyatini, savodxonlik darajasini belgilaydi. Yozma nutq madaniyatining ajralmas qismi bo'lgan punktuatsiya esa matnning ma'no-mazmunini to'g'ri ifodalashda, sintaktik aloqalarni aniq ko'rsatishda, o'quvchi tomonidan uni oson va to'g'ri tushunishini ta'minlashda muhim rol o'ynaydi. Nuqta, vergul, tire, ikki nuqta kabi tinish belgilari faqatgina grammatik qoidalar yig'indisi emas, balki tilning logik va semantik tuzilishini aks ettiruvchi, muallifning fikrini aniq yetkazuvchi kuchli vositalardir. Ulardan to'g'ri foydalanish, shubhasiz, har qanday yozma ishning samaradorligini oshiradi. Mazkur holat, punktuatsiyani o'qitish jarayonini yanada samaraliroq va tizimliroq tashkil etishni taqozo etadi. Bu esa o'z navbatida, tilshunoslikning sintaksis sohasidagi bilimlarni punktuatsiya o'qitish metodikasiga integratsiyalash zarurligini dolzarb masala sifatida kun tartibiga qo'yadi. Ona tilini o'qitish metodikasi fanida bu yo'nalishdagi tadqiqotlar ta'lim tizimini takomillashtirish, yosh avlodning yozma savodxonligini yuksaltirishda katta ahamiyatga ega. Punktuatsiya qoidalarini yodlash orqali uni o'rgatish usuli bugungi kun talablariga javob bermayapti. Talabalar, shuningdek, umumta'lim maktablari o'quvchilari tinish belgilarini joy-joyida qo'llashda sezilarli qiyinchiliklarga duch kelishmoqda. Bu qiyinchiliklarning asosiy sabablaridan biri shundaki, punktuatsiya ko'pincha sintaktik strukturalardan ajratilgan holda, mexanik tarzda o'rgatiladi. Natijada, o'rganuvchilar tinish belgilarining funksiyasini va ularning jumladagi o'rnini to'liq anglab yetmaydilar. Ushbu muammon ...