MUSTAQIL ISH

KIRISH Hozirgi kunda atom energetikasining rivojlanishi, tibbiyot, sanoat va qishloq xo'jaligida radioaktiv izotoplardan keng ko'lamda foydalanish hamda yadro texnologiyalarining hayotimizga tobora kirib borishi radiatsiya xavfsizligi va radiologik himoya masalalarini dolzarb etmoqda. Radiaktiv moddalar bilan ishlash jarayonida inson salomatligi va atrof-muhit uchun potensial xavf tug'diruvchi radiatsiya ta'sirini baholash va nazorat qilish eng muhim vazifalardan biridir. Bu borada radiaktiv moddalarning dozametrik miqdorlari va ularning turlari haqidagi chuqur bilim zarur. Ushbu ilm-fan yo'nalishi hozirgi zamon texnologiyalari va ilm-fanning turli jabhalarida olib borilayotgan tadqiqotlar bilan uzviy bog'liq bo'lib, inson faoliyati xavfsizligini ta'minlashda hal qiluvchi ahamiyat kasb etadi. Radioaktivlik tabiatdagi muhim hodisa bo'lib, uning inson hayoti uchun foydali va zararli jihatlari mavjud. Ularni to'g'ri tushunish va boshqarish radiologik xavflarni kamaytirishning yagona yo'lidir. Radiaktiv moddalar bilan bog'liq xavflarni samarali boshqarish va inson salomatligini himoya qilish maqsadida ularning dozimetrik miqdorlarini aniq hisoblash va izotoplarning xususiyatlarini turlarga ajratib o'rganish muhim ilmiy-amaliy muammodir. Kosmik nurlanish, tabiiy radioaktivlik manbalari va antropogen (inson faoliyati natijasida yuzaga kelgan) manbalardan kelib chiqadigan radiatsiya ta'sirining organizmga salbiy oqibatlari ko'plab tadqiqotlar mavzusiga aylangan. Shuning uchun, radiaktivlikning dozimetrik miqdorlari va turli izotoplarning xarakteristikalarini tahlil qilish, ularning biologik ta'sirini bashorat qilish va zarur himoya choralarini ishlab chiqish tadqiqotlarimizning asosiy maqsadidir. Bu muammoni ilmiy asosda hal etish radiologik xavfsizlikni ta'minlashning muhim qadamidir. Ushbu tadqiqotning asosiy vazifalari quyidagilardan iborat: birinchidan, radiaktivlikning asosiy dozimetrik birliklari va miqdorlarini (aktivlik, yutilgan doza, ekspozitsion doza, ekvivale ...