MUSTAQIL ISH

KIRISH Hozirgi zamonda sport muayyan bir faoliyat turi bo'libgina qolmay, balki inson salomatligi, sog'lom turmush tarzini targ'ib qilish, millatlararo munosabatlarni mustahkamlash va jismoniy tarbiya fanining ilmiy-nazariy asoslarini boyitishda ham muhim rol o'ynaydi. Sport yutuqlari esa ko'plab omillarga bog'liq bo'lib, ulardan biri organizmdagi energiya almashinuvi jarayonlarining optimal kechishi hisoblanadi. Bu jarayonlarda yog'lar esa muhim energiya manbai va biologik faol moddalarning tarkibiy qismi sifatida kat'iy ahamiyat kasb etadi. Sportchilarning jismoniy tayyorgarligi, chiniqqanlik darajasi, raqobatbardoshlik salohiyati va tiklanish jarayonlari ularning organizmidagi yog'lar metabolizmining samaradorligiga bevosita bog'liqdir. Shu sababli, sportchilarning parhezida yog'lar balansini to'g'ri tashkil etish, ularning sifatli va miqdoriy tarkibini nazorat qilish jismoniy tarbiya va sport tibbiyoti sohasida dolzarb muammolardan biri hisoblanadi. Sport faoliyati jarayonida energiya sarfi ortishi, organizmning stress holatiga tushishi yog'larning energiyaga aylanishini tezlashtiradi, biroq bu jarayonlarni to'g'ri boshqara olmaslik salbiy oqibatlarga olib kelishi mumkin. Zamonaviy sport fanida sportchilarning oziqlanishiga oid tadqiqotlar tobora kengayib bormoqda va bu tadqiqotlar ayniqsa, yog'larning rolini tushunishga qaratilgan. Sportchilarning organizmida yog'larning ahamiyati, ularning metabolizmi, jismoniy faoliyat davomida energiyaga aylanishi va organizmning umumiy holatiga ta'siri masalasi yetarlicha o'rganilmaganligicha qolmoqda. Sportchilarning turli sport turlarida, turli jismoniy yuklamalarda va turli yosh guruhlarida yog'larning metabolik o'zgarishlarini chuqur tahlil qilish zarurati mavjud. Ayniqsa, yuqori samaradorlikka erishishga intilayotgan sportchilarning dietologik tavsiyalarga rioya qilishi, ularning parhezidagi yog'larning sifat va miqdoriy ko'rsatkichlarini aniqlash, shuningdek, jismoniy zo'riqishlar natijasida yuzaga keladigan yog'lar ...