MUSTAQIL ISH

KIRISH Hozirgi demokratik jamiyatlarda adolatli sud tizimini shakllantirish va mustahkamlash, qonun ustuvorligini ta'minlash hamda fuqarolarning huquq va erkinliklarini himoya qilish dolzarb masala bo'lib qolmoqda. Sud hokimiyatining mustaqilligi, xolisligi va samaradorligi davlatning demokratik rivojlanish darajasini belgilaydigan asosiy mezonlardan biridir. Bu jarayonda sudyalarning maqomi, ularning huquq va majburiyatlari tizimi, adliya funksiyalarini samarali amalga oshirishdagi o'rni alohida ahamiyat kasb etadi. Sudyalarning kasbiy faoliyatiga nisbatan jamiyatda yuksak ishonch muhitini yaratish, ularning daxlsizligini ta'minlash, shu bilan birga, faoliyatida qonuniylik, adolat va insonparvarlik tamoyillariga qat'iy rioya etishini ta'minlash muhim siyosiy va huquqiy vazifadir. Mamlakatimizda sud-huquq islohotlari doirasida sudyalarning maqomini kuchaytirish, ularning ijtimoiy himoyasini mustahkamlash, javobgarlik mexanizmlarini takomillashtirishga qaratilgan qator huquqiy chora-tadbirlar amalga oshirilmoqda. Ushbu o'zgarishlar sharoitida sudyalarning huquq va majburiyatlarini kompleks tahlil etish, mavjud nazariy va amaliy muammolarni aniqlash, ularni hal etish yuzasidan ilmiy asoslangan taklif va tavsiyalar ishlab chiqishga ehtiyoj tobora ortib bormoqda. Shu sababli, sudyalarning huquq va majburiyatlari mavzusini har tomonlama o'rganish hozirgi kunda nafaqat nazariy, balki amaliy ahamiyatga ham ega. Sudyalarning huquqiy maqomi, ularning faoliyatini tartibga soluvchi normativ-huquqiy bazani takomillashtirish, adliya tizimining samaradorligini oshirish borasida hanuzgacha bir qator muammolar mavjud. Xususan, sudyalarning mustaqilligi va daxlsizligini ta'minlash, ularga bo'ladigan har qanday tashqi ta'sirni bartaraf etish, shuningdek, sudyalarning intizomiy javobgarligi mexanizmlarini takomillashtirish kabi masalalar doimiy diqqat markazida bo'lib kelmoqda. Sudyalarning vakolatlari doirasi va ularning huquqlarini amalga oshirish tartiblari, shuningdek, majburiyat ...