MUSTAQIL ISH

KIRISH Hozirgi demokratik jamiyatlarning huquqiy asoslarini mustahkamlashda sud hokimiyatining mustaqilligi va samaradorligi hal qiluvchi ahamiyat kasb etadi. Sud hokimiyati nafaqat qonun ustuvorligini ta'minlovchi, balki inson huquq va erkinliklarining kafolati, jamiyatda adolat va barqarorlikni ta'minlashning muhim instituti hisoblanadi. Sudyalarning maqomi esa ana shu institutning samarali faoliyatini belgilovchi asosiy omillardan biridir. Sudyalarga berilgan huquqiy himoya, ularning mustaqilligi, daxlsizligi va yuqori ijtimoiy maqomi sud tizimining har qanday tashqi ta'sirdan xoli bo'lishini ta'minlaydi. Shu bilan birga, zamonaviy jamiyatlarning globalizatsiya jarayonlari, axborot texnologiyalarining rivojlanishi, fuqarolik jamiyati institutlarining faollashuvi sharoitida sudyalarning maqomi masalasi yangicha talqin va chuqur tahlillarni talab etmoqda. O'zbekistonda amalga oshirilayotgan keng ko'lamli sud-huquq islohotlari doirasida sudyalarning maqomini yanada mustahkamlashga, ularning mustaqilligini ta'minlashga qaratilgan qator huquqiy mexanizmlar joriy etilmoqda. Biroq, bu sohada hali hal etilishi lozim bo'lgan bir qator nazariy va amaliy muammolar mavjud bo'lib, ushbu tadqiqot aynan shu muammolarni ilmiy asosda tahlil qilishga qaratilgan. Ushbu mavzu O'zbekiston Respublikasida sud-huquq tizimini demokratlashtirish va liberallashtirishning ustuvor yo'nalishlaridan biri hisoblanib, so'nggi yillarda mazkur yo'nalishda salmoqli ilmiy izlanishlar olib borilgan. Sudyalarning maqomi, ularning huquqiy holati, kafolatlari va mas'uliyati masalalari O'zbekiston Respublikasi Konstitutsiyasi, "Sudlar to'g'risida"gi qonun, shuningdek, boshqa qator qonunosti hujjatlarida mustahkamlangan. Bu masalalar bo'yicha akademik doiralarda professor-o'qituvchilar, huquqshunos olimlar va amaliyotchilar tomonidan qator maqolalar, dissertatsiyalar va monografiyalar chop etilgan. Xususan, O'zbekiston huquqshunoslik fanida O.H.Hayitov, M.M.Mamasiddiqov, D.M.Xolmo'minov, Sh.M.Shoyoqubov ...