MUSTAQIL ISH

KIRISH Ijtimoiy va iqtisodiy geografiya fanining rivojlanishida olimlarning nazariy qarashlari va tadqiqotlari muhim o'rin tutadi. Bu fan inson faoliyatining fazoviy taqsimoti, hududiy rivojlanish qonuniyatlari va jamiyatning geografik muhit bilan o'zaro aloqasini o'rganadi. Bugungi globallashuv sharoitida mintaqaviy farqlar, shaharlar rivojlanishi, migratsiya jarayonlari va iqtisodiy faoliyatning joylashuvi kabi masalalar tobora dolzarb tus olmoqda. Shu nuqtai nazardan, T. Xagerstrand, B. Berri, R. Xartshorn va P. Krugman kabi olimlarning g'oyalari nafaqat o'z davrida, balki hozirgi kunda ham geografik tadqiqotlar uchun muhim metodologik asos bo'lib xizmat qiladi. Ularning nazariyalari hududiy rejalashtirish, mintaqaviy siyosatni shakllantirish va ijtimoiy-iqtisodiy muammolarni hal etishda amaliy ahamiyatga ega. Bu olimlarning ishlari zamonaviy iqtisodiy va ijtimoiy geografiyaning nazariy poydevorini mustahkamlagan bo'lib, ularni chuqur o'rganish fan rivojlanishi uchun zamin yaratadi. [rasm]} Mazkur akademik ishda iqtisodiy va ijtimoiy geografiya faniga ulkan hissa qo'shgan yuqorida nomi tilga olingan olimlarning ilmiy merosini tahlil qilish masalasi qo'yiladi. Muammoning asosiy mohiyati shundaki, ularning nazariyalari va kontseptsiyalarini tizimli ravishda o'rganish, qiyosiy tahlil qilish hamda ularning zamonaviy tadqiqotlardagi ahamiyatini ochib berish zarur. Shuningdek, ularning ishlari bo'yicha chet el manbalarini tarjima qilish orqali ushbu olimlarning g'oyalarini o'zbek tiliga olib kirish, mahalliy ilmiy hamjamiyat uchun ulardan foydalanish imkoniyatini yaratish maqsad qilingan. Bu tadqiqotning asosiy maqsadi T. Xagerstrand, B. Berri, R. Xartshorn va P. Krugmanning iqtisodiy va ijtimoiy geografiya faniga qo'shgan hissalarini atroflicha o'rganish, ularning asosiy kontseptsiyalarini tahlil qilish va bu g'oyalarning zamonaviy geografik tadqiqotlar va amaliyotdagi ahamiyatini ko'rsatishdan iboratdir. Belgilangan maqsadga erishish uchun bir qator vazifalarni ba ...