MUSTAQIL ISH

KIRISH Iqtisodiy islohotlar shiddatli tus olgan bugungi kunda tadbirkorlik davlat taraqqiyotining asosiy harakatlantiruvchi kuchi sifatida namoyon bo'lmoqda. Tadbirkorlik subyektlari faoliyatining samaradorligi innovatsiyalarni joriy etish, yangi ish o'rinlarini yaratish va aholi farovonligini oshirishda hal qiluvchi ahamiyatga ega. Shu bilan birga, tadbirkorlik muhitini to'g'ri shakllantirish, sog'lom raqobatni ta'minlash, iste'molchilar huquqlarini himoya qilish va iqtisodiy xavfsizlikni ta'minlashda davlatning tartibga soluvchi roli muhimdir. Ayniqsa, O'zbekistonda tadbirkorlikni qo'llab-quvvatlash va biznesga to'siqlarni kamaytirish borasida olib borilayotgan keng ko'lamli islohotlar sharoitida davlat nazorati mexanizmlarini optimallashtirish, ularning tushunchasi, printsiplari va huquqiy asoslarini chuqur tahlil qilish dolzarb ahamiyat kasb etadi. Bu nazorat mexanizmlarining korruptsion xavf-xatarlardan holi bo'lishi, tadbirkorlik subyektlariga asossiz yuklamalar bermasligi va shu bilan birga jamoat manfaatlariga xizmat qilishi zarur. Mamlakatimizda tadbirkorlik faoliyati ustidan davlat nazorati tizimini takomillashtirishga qaratilgan doimiy sa'y-harakatlarga qaramay, bu sohada bir qator muammolar mavjudligini e'tirof etish lozim. Nazorat qiluvchi organlarning vakolatlari va javobgarligi chegaralarini aniq belgilash, nazorat usullari va tartiblarining shaffofligini oshirish, tadbirkorlik faoliyatiga aralashuvning mutanosiblik prinsipiga rioya etish kabi masalalar hali ham o'z yechimini kutmoqda. Shu nuqtai nazardan, mazkur mustaqil ishning asosiy maqsadi tadbirkorlik subyektlari faoliyati ustidan davlat nazorati tushunchasini, uning shakllanishi va rivojlanishidagi asosiy printsiplarni, shuningdek, amaldagi milliy qonunchilikdagi huquqiy asoslarini chuqur ilmiy-nazariy tahlil qilishdan iborat. Bu tadqiqot orqali mavjud kamchiliklarni aniqlash va ularni bartaraf etish bo'yicha ilmiy asoslangan taklif va tavsiyalar ishlab chiqish ko'zda tutilgan. Belgilangan ma ...