MUSTAQIL ISH

KIRISH Globalizatsiya jarayonlarining jadal rivojlanishi, madaniyatlararo muloqotning kuchayishi va xalqaro hamkorlikning kengayishi sharoitida chet tillarni bilish zamonaviy mutaxassisning eng muhim kompetensiyalaridan biriga aylandi. Ayniqsa, chet tilida erkin va samarali muloqot qila olish, ya'ni og'zaki nutq malakasiga ega bo'lish global raqobatbardoshlik sharoitida shaxsiy va kasbiy muvaffaqiyatning asosiy omillaridan biri hisoblanadi. Bugungi kunda jahon ta'lim tizimida kommunikativ yondashuv ustuvor ahamiyat kasb etib, chet tilini o'qitishdan asosiy maqsad talabalarda kommunikativ kompetensiyani shakllantirish, ularni real muloqot vaziyatlariga tayyorlashdan iborat. Bu esa o'z navbatida, til ta'limida aynan gapirish, ya'ni "speaking" ko'nikmasini rivojlantirishga qaratilgan innovatsion texnologiyalar va metodikalarga bo'lgan ehtiyojni keskin oshiradi. Ammo, talabalarning til bilish darajasi (boshlang'ich, o'rta, yuqori) turlicha bo'lganligi sababli, ularning har biriga mos keladigan, individual xususiyatlarini hisobga oladigan, samarali va motivatsiya beruvchi o'qitish texnologiyalarini ishlab chiqish va amaliyotga joriy etish masalasi chet tili metodikasi oldida turgan dolzarb vazifalardan biridir. O'zbekiston Respublikasida ham chet tillarni o'qitish sifatini tubdan takomillashtirishga alohida e'tibor qaratilmoqda. Prezident farmonlari va qarorlarida belgilanganidek, chet tillarini o'qitishning ilg'or xorijiy tajribasini tatbiq etish, kommunikativ yondashuv asosida talabalarning nutq malakasini rivojlantirish mexanizmlarini optimallashtirish davlat siyosatining ustuvor yo'nalishlaridan biridir. Shu nuqtai nazardan, turli darajadagi talabalar uchun nutq o'qitish texnologiyalarini ilmiy-nazariy jihatdan asoslash va amaliy tavsiyalar ishlab chiqish zamonaviy metodika fanining muhim yo'nalishlaridan birini tashkil etadi. Shu bilan birga, zamonaviy chet tili ta'limida, ayniqsa oliy ta'lim muassasalarida, nutq malakasini rivojlantirishda bir qator muammolar kuza ...