MUSTAQIL ISH

KIRISH Mamlakatimizda mudofaa salohiyatini mustahkamlash, yosh avlodni vatanparvarlik ruhida tarbiyalash va harbiy xizmatga tayyorlash davlat siyosatining ustuvor yo'nalishlaridan biri hisoblanadi. Bu jarayonda tuman mudofaa ishlari bo'limlari muhim o'rin tutib, fuqarolarni harbiy hisobga olish, chaqiruvga tayyorlash va ularni qurolli Kuchlar saflariga safarbar etish kabi mas'uliyatli vazifalarni amalga oshiradi. Mazkur faoliyat samaradorligi bevosita mamlakat mudofaa qobiliyatiga ta'sir etib, uning barqaror rivojlanishi uchun zamin yaratadi. Bugungi globallashuv davrida, mintaqaviy va xalqaro miqyosdagi xavfsizlik tahdidlari ortib borayotgan sharoitda, harbiy xizmatga chaqiruvni tashkil etish va uni zamonaviy talablar asosida takomillashtirish dolzarb ahamiyat kasb etadi. Ayniqsa, yoshlarni harbiy-vatanparvarlik ruhida tarbiyalash, ularda milliy g'urur va sadoqat tuyg'ularini shakllantirish, harbiy xizmatga ongli munosabatni shakllantirish kabi jihatlar hamisha diqqat markazida bo'lishi lozim. Xojaobod tumani mudofaa ishlari bo'limining faoliyatini tahlil qilish va uning samaradorligini oshirish bo'yicha takliflar ishlab chiqish mamlakat mudofaa salohiyatini mustahkamlashga bevosita hissa qo'shadi. Shuningdek, mazkur bo'limning har yili belgilangan chaqiruv rejalarini bajarishdagi o'ziga xos xususiyatlari, mavjud muammolar va ularni hal etish yo'llarini o'rganish amaliy ahamiyatga ega. [rasm]} Xojaobod tuman mudofaa ishlari bo'limi faoliyatini tahlil qilishda yuzaga keladigan asosiy muammo shundaki, mavjud resurslar va majburiyatlar o'rtasidagi nomutanosiblikni aniqlash hamda uning samaradorligini oshirishning aniq mexanizmlarini ishlab chiqishdir. Xususan, 2025 yilda 300 nafar yigitni harbiy xizmatga chaqirish rejalashtirilgan bo'lib, buning uchun har biriga 8 million 120 ming so'm miqdorida bir oylik mablag' ajratilishi ko'zda tutilgan. Bu ko'rsatkich 2024 yilda 7 million 120 ming so'm bo'lgan va shunda ham 300 nafar yigit chaqirilgan. 2023 yilda ham 300 nafar ...