MUSTAQIL ISH

KIRISH Bugungi globallashuv davrida axborot texnologiyalarining jadal rivojlanishi, internetning hayotimizga tobora chuqur kirib borishi hamda ijtimoiy tarmoqlarning keng tarqalishi kabi omillar mediasavodxonlik va axborot madaniyatini har qachongidan ham dolzarb masalaga aylantirmoqda. Axborotlarning tez va keng tarqalishi, ularning sifati, ishonchliligi va ta'sirchanligini baholash, shuningdek, onlayn muhitda o'zini himoya qilish va konstruktiv muloqot olib borish ko'nikmalari shaxsiy va ijtimoiy rivojlanishning muhim omillaridan biridir. Jahon miqyosida turli mamlakatlarda mediasavodxonlik va axborot madaniyatini shakllantirish borasidagi tajribalarni o'rganish, ularning samaradorligini tahlil qilish, shuningdek, Yangi O'zbekiston sharoitida ushbu sohada olib borilayotgan ishlarni yaxshilash va mediata'limni yanada rivojlantirish istiqbollarini aniqlash bugungi kunning eng muhim vazifalaridan hisoblanadi. Bunday tadqiqotlar, shubhasiz, mamlakatimizning axborot makonini mustahkamlash, fuqarolarning axborotga bo'lgan huquqini ta'minlash hamda jamiyatning umumiy madaniy va intellektual salohiyatini oshirishga xizmat qiladi. Mazkur tadqiqot ishi doirasida, xorijiy mamlakatlarda mediasavodxonlik va axborot madaniyatini o'rganishda qo'llanilayotgan zamonaviy yondashuvlar, me'yoriy-huquqiy bazalar, ta'lim dasturlari va metodologiyalarni tahlil qilish asosiy muammo sifatida belgilandi. Xususan, demokratiya, so'z erkinligi, axborotga erkin kirish kabi qadriyatlari yuqori darajada rivojlangan mamlakatlarda aholining mediasavodxonligini oshirishga qaratilgan strategiyalar, shuningdek, axborotni skeptik tahlil qilish, yolg'on axborotni aniqlash, axborot manbalarining ishonchliligini baholash kabi ko'nikmalarni shakllantirish bo'yicha ta'limiy tajribalar ilmiy jihatdan o'rganiladi. Shu bilan birga, Yangi O'zbekistonda mediasavodxonlik va axborot madaniyatini o'qitish jarayonining hozirgi holati, mavjud kamchiliklari va ularni bartaraf etish yo'llari aniqlanadi. Ushbu tadqiqo ...