MUSTAQIL ISH

KIRISH XVIII asirda Rossiya imperiyasining tashqi siyosati jahon tarixida muhim bosqich bo'lib, uning natijalari bugungi kungacha ko'plab geosiyosiy jarayonlarga ta'sir ko'rsatmoqda. Bu davrda Rossiya Buyuk Pyotr islohotlari ortidan Yevropaning eng qudratli davlatlaridan biriga aylandi, o'zining chegaralarini kengaytirdi, Boltiq va Qora dengizlarga chiqish huquqini qo'lga kiritdi, Usmonli imperiyasi, Shvetsiya, Rech Pospolita va Eron kabi mintaqaviy raqiblarga nisbatan ustunlikni mustahkamladi. Imperiyaning g'arb, janub va sharqiy yo'nalishlardagi faol siyosati, diplomatiyaning rivojlanishi, harbiy qudratining ortishi nafaqat uning mintaqadagi mavqeini o'zgartirdi, balki Yevropa kuchlar muvozanatiga ham jiddiy ta'sir ko'rsatdi. Bugungi kunda ham Rossiyaning mintaqaviy va global siyosatdagi o'rni, uning atrofdagi davlatlar bilan munosabatlari va strategik qarashlari bevosita XVIII asrda shakllangan tashqi siyosiy an'analarga borib taqaladi. Ushbu davrni o'rganish hozirgi xalqaro munosabatlardagi ayrim muammolarni tushunish, ularning ildizlarini aniqlash va kelajakdagi geosiyosiy prognozlarni tuzish uchun fundamental ahamiyat kasb etadi. Rossiyaning o'sha davrdagi diplomatiyasi, harbiy strategiyasi va hududiy ekspansiyasi bugungi zamonaviy davlatlarning tashqi siyosat shakllanishi va rivojlanishiga ham ta'sir ko'rsatgan. Shuningdek, xalqaro munosabatlar va diplomatiya tarixi fanining fundamental qismi sifatida bu davrni chuqur tahlil qilish, undan xulosalar chiqarish dolzarb hisoblanadi. Bu tadqiqot XVIII asirda Rossiya imperiyasining tashqi siyosatining asosiy yo'nalishlari, uning shakllanishiga ta'sir etgan omillar, yirik diplomatik va harbiy to'qnashuvlar hamda bu jarayonlarning uzoq muddatli oqibatlarini har tomonlama tahlil qilishga qaratilgan. Muammo shundaki, bu davrdagi Rossiya tashqi siyosati ko'pincha g'arbshunoslik adabiyotida faqat agressiv ekspansiya nuqtai nazaridan yoritiladi, rus tarixshunosligida esa aksincha, milliy manfaatlar himoyasi sifatida talq ...