Samuel Hantingtonning Sivilizatsiyalar toʼqnashuvi va yangi dunyo tartibi .kitobi boyicha esse

Sovuq urushning yakunlanishi xalqaro munosabatlar nazariyasida keskin bahs-munozaralarga sabab bo‘ldi. Ko‘pchilik liberallar Fukuyamaning “Tarixning yakuni” g‘oyasini qabul qilib, liberal demokratiya global miqyosda yagona boshqaruv shakliga aylanishini bashorat qilgan bir paytda, Samuel Hantington o‘zining “Sivilizatsiyalar to‘qnashuvi va yangi dunyo tartibi” asarida boshqacha nuqtai nazarni ilgari surdi. Hantingtonning asosiy tezisi shundan iboratki, Sovuq urushdan keyingi davrda global mojarolarning asosiy manbai mafkura yoki iqtisodiyot emas, balki madaniyat va din bo‘ladi. Uning fikricha, kelajakda xalqaro siyosat turli sivilizatsiyalar o‘rtasidagi farqlar va to‘qnashuvlar atrofida shakllanadi. Ushbu esse Hantingtonning sivilizatsiyalar to‘qnashuvi nazariyasini, uning jamiyat va din munosabatlariga oid qarashlarini tahlil qiladi hamda uning zamonaviy dunyo uchun dolzarbligini baholaydi.