MUSTAQIL ISH

KIRISH Tasavvuf ta'limotlari, xususan, Naqshbandiya tariqatining Markaziy Osiyo xalqlari ma'naviy-madaniy hayotidagi o'rni va ahamiyati azaldan katta bo'lib kelgan. Bu tariqatning ta'sir doirasi nafaqat diniy-falsafiy doiralar bilan cheklanib qolmay, balki adabiyot, san'at, siyosat va ijtimoiy hayotning barcha jabhalarida o'z aksini topgan. Bugungi kunda ham jamiyatda ma'naviy qadriyatlarni tiklash, milliy o'zlikni anglash, yosh avlodni komil inson ruhida tarbiyalashda tasavvufiy meros, xususan, Naqshbandiya sulukining g'oyalari beqiyos ahamiyat kasb etadi. Globallashuv jarayonlari va turli mafkuraviy tahdidlar sharoitida insoniyatning ichki dunyosini boyitishga xizmat qiluvchi, tinchlik va bag'rikenglik tamoyillarini targ'ib etuvchi bu kabi manbalarni o'rganish, ulardagi chuqur ma'no va hikmatlarni yoritish dolzarb vazifa hisoblanadi. Abul Muxsin Boqirning "Maqomati Xoja Bahouddin Naqshband" asari esa Naqshbandiya tariqatining asosiy tamoyillari, Bahouddin Naqshbandning hayot yo'li, u kishining axloqiy fazilatlari va suluk yo'lidagi ko'rsatmalarini o'zida mujassam etgan nodir manba bo'lib, uning ilmiy tadqiq etilishi zamonaviy jamiyat uchun muhim ma'naviy xazinani ochishga yordam beradi. Ushbu asar nafaqat tarixiy va biografik ma'lumotlar bilan boy, balki unda ifodalangan darvishilik sifati, ahvol va axloqqa doir g'oyalar inson kamolotining universal tamoyillarini aks ettiradi, shu boisdan uning chuqur o'rganilishi bugungi kunda ham o'z ahamiyatini yo'qotmagan. Naqshbandiya tariqati, uning asoschisi Bahouddin Naqshband va tariqatning ta'limotlari bo'yicha ko'plab ilmiy tadqiqotlar olib borilgan bo'lsa-da, Abul Muxsin Boqirning "Maqomati Xoja Bahouddin Naqshband" asarida suluk yo'lining o'ziga xosligi, darvishlikning mohiyati, tasavvufiy ahvollarning tavsifi va naqshbandiyona axloq me'yorlarining batafsil, kompleks tahlili hali yetarlicha amalga oshirilmagan. Mavjud tadqiqotlar ko'pincha umumiy biografik ma'lumotlar, tariqatning tarixiy rivoji yoki ayrim g'oyalarni ...