MUSTAQIL ISH

KIRISH Bugungi globallashuv va integratsiya sharoitida har qanday jamiyatning barqaror rivojlanishi, ijtimoiy-iqtisodiy adolatning ta'minlanishi va fuqarolarning farovonligi bevosita davlat boshqaruvining samaradorligiga bog'liqdir. Biroq, ushbu jarayonlarga salbiy ta'sir ko'rsatuvchi eng xavfli va murakkab muammolardan biri korrupsiyadir. Korrupsiya – nafaqat iqtisodiy o'sishga to'sqinlik qiluvchi, balki jamiyatning ma'naviy asoslarini yemiruvi, fuqarolarning davlatga bo'lgan ishonchini pasaytiruvchi, huquqiy tartib-qoidalarni buzuvchi va demokratik qadriyatlarga putur yetkazuvchi global muammodir. Ayniqsa, o'tish davrini boshdan kechirayotgan va demokratik islohotlarni amalga oshirayotgan davlatlar uchun korrupsiyaga qarshi kurashish strategik ahamiyatga ega. O'zbekiston Respublikasi ham ushbu dolzarb muammoga qarshi tizimli va qat'iy kurash olib bormoqda. Prezident Shavkat Mirziyoyev rahbarligida mamlakatda "Harakatlar strategiyasi" va undan keyingi "Taraqqiyot strategiyasi" doirasida korrupsiyaning oldini olish va unga qarshi kurashish bo'yicha keng ko'lamli islohotlar amalga oshirilmoqda. Ushbu islohotlar qonunchilik bazasini takomillashtirish, institutlar salohiyatini oshirish, jamoatchilik nazoratini kuchaytirish va fuqarolik jamiyati institutlarini jalb etish kabi yo'nalishlarni o'z ichiga oladi. Shuning uchun O'zbekistonda korrupsiyaga qarshi kurashish mexanizmlarini falsafiy jihatdan tahlil qilish, ularning samaradorligini baholash va takomillashtirish yo'llarini izlash hozirgi kunda juda dolzarb va muhim ilmiy-amaliy ahamiyatga ega. [rasm]} Korrupsiya muammosining ildizlari jamiyatning siyosiy, iqtisodiy va madaniy tuzilmalariga chuqur singib ketgan bo'lib, unga qarshi kurashish birgina huquqiy choralar bilan cheklanib qolmasdan, balki falsafiy, sotsiologik, psixologik va etik jihatdan ham chuqur tahlilni talab etadi. Ushbu tadqiqotning maqsadi O'zbekistonda korrupsiyaga qarshi kurashish mexanizmlarining falsafiy asoslarini atroflicha o'rganish, mavjud ...