MUSTAQIL ISH

KIRISH Jahon miqyosida ekologik muammolarning tobora keskinlashib borishi, iqlim o'zgarishi, biologik xilma-xillikning kamayishi, tuproq degradatsiyasi, suv resurslarining tanqisligi kabi global ekologik xavflar insoniyatning barqaror rivojlanishi uchun jiddiy tahdid solmoqda. O'zbekiston ham ushbu muammolardan chetda emas. Orol fojiasining oqibatlari, sanoat chiqindilari, aholi sonining o'sishi bilan bog'liq tabiiy resurslarga bo'lgan bosim ekologik vaziyatni yanada murakkablashtirmoqda. Shu bois, tabiatni muhofaza qilish, ekologik xavfsizlikni ta'minlash, tabiiy resurslardan oqilona foydalanish va ekologik madaniyatni yuksaltirish davlat siyosatining ustuvor yo'nalishlaridan biriga aylangan. Ushbu jarayonda Prezident qarorlari hamda Oliy Majlis tomonidan qabul qilinayotgan qonun hujjatlari huquqiy asos bo'lib xizmat qiladi. Ularning qabul qilinishi va amaliyotga tatbiq etilishi mamlakatimizda ekologik muammolarni hal etish, atrof-muhitni muhofaza qilishning samarali mexanizmlarini yaratishda muhim ahamiyat kasb etadi. Shu sababli, Prezident qarorlari va Oliy Majlis tomonidan qabul qilinayotgan tabiatni muhofaza qilishga doir qonun hujjatlarini chuqur tahlil qilish, ularning amaliy samaradorligini baholash va takomillashtirish bo'yicha takliflar ishlab chiqish bugungi kunning eng dolzarb vazifalaridan biridir. Ushbu tadqiqotning asosiy muammosi shundan iboratki, bir tomondan, ekologik holatning yomonlashuvi bilan bog'liq murakkab vaziyat mavjud. Ikkinchi tomondan, mazkur muammolarni hal etishga qaratilgan qonunchilik va normativ-huquqiy hujjatlarning doimiy ravishda takomillashtirib borilishi zarurati turibdi. Tabiatni muhofaza qilish sohasidagi Prezident qarorlari va Oliy Majlis qonunlarining qabul qilinishi, ularning ijrosi, amaliyotda duch kelinayotgan muammolar va bu hujjatlarning ekologik vaziyatga real ta'sirini ilmiy jihatdan o'rganish muhim ahamiyatga ega. Tadqiqotning asosiy maqsadi O'zbekistonda tabiatni muhofaza qilish sohasidagi davlat siyosatining huq ...