MUSTAQIL ISH

KIRISH Bugungi globallashuv davrida ta'lim tizimini modernizatsiya qilish, uning samaradorligini oshirish va o'quvchilarning bilim olish jarayoniga faol jalb etish muhim ahamiyat kasb etmoqda. Ayniqsa, adabiyot darslari, o'quvchida estetik didni shakllantirish, milliylikni va insonparvarlik g'oyalarini singdirish, tanqidiy fikrlash qobiliyatini rivojlantirishda beqiyos o'rin tutadi. An'anaviy o'qitish usullari ba'zan o'quvchilarning qiziqishini uyg'otishda yetarli bo'lmayotgani, ularning darsga faol ishtirokini ta'minlamasligi kabi muammolar dolzarb bo'lib qolmoqda. Shu nuqtai nazardan, adabiyot saboqlarini interfaol usulda uyushtirish, o'quvchilarning ijodiy qobiliyatini, mustaqil fikrlash ko'nikmalarini rivojlantirish hamda ularning o'quv jarayoniga faol ishtirokini ta'minlashga xizmat qiladi. Interfaol usullar zamonaviy pedagogikaning asosiy tamoyillaridan biri bo'lib, ular o'quvchiga nafaqat bilim beradi, balki uni bilimlarni o'zlashtirish jarayonining faol ishtirokchisiga aylantiradi. Bu esa o'z navbatida, adabiyot faniga bo'lgan qiziqishni oshiradi, uning jamiyatdagi o'rnini mustahkamlaydi va yosh avlodning ma'naviy kamolotiga hissa qo'shadi. Shuningdek, Prezidentimiz Shavkat Mirziyoyevning ta'lim tizimini isloh qilish bo'yicha bergan ko'rsatmalari hamda zamonaviy pedagogik texnologiyalarni joriy etish zaruriyati mazkur mavzuning dolzarbligini yanada oshiradi. Ta'lim tizimida interfaol usullardan samarali foydalanish bo'yicha nazariy va amaliy izlanishlar ko'plab xorijiy va mahalliy olimlar tomonidan olib borilgan bo'lsa-da, aynan o'zbek adabiyoti saboqlarini interfaol usulda uyushtirish bo'yicha tizimli va kompleks yondashuv talab etiladi. Hozirgi kunda maktablarda va oliy o'quv yurtlarida adabiyot darslari, asosan, o'qituvchining ma'ruzasiga asoslangan bo'lib, o'quvchilarning faolligi past darajada qolmoqda. Adabiy asarlarning tahlili, muallifning hayoti va ijodi, adabiy jarayonlarni o'rganishda interfaol usullarning imkoniyatlaridan yetarlicha foydalanilma ...