KURS ISHI

KIRISH Ahmad Yugnakiyning "Hibat ul-haqoyiq" asaridagi o'git va pandlar mavzusi bugungi kunda ham o'z dolzarbligini yo'qotmagan. XII asrda yashab ijod etgan o'zbek mutafakkiri Ahmad Yugnakiyning ushbu asari turkiy tilida yozilgan ilk didaktik asarlardan biri hisoblanib, unda jamiyat va inson hayotining turli jabhalariga oid axloqiy-ma'rifiy qarashlar chuqur ilmiy-falsafiy asosda bayon etilgan. Ayniqsa, zamonaviy davrda yuzaga kelayotgan ayrim ijtimoiy va madaniy muammolar sharoitida o'tmish allomalarining boy ma'naviy merosini o'rganish va uni zamonaviy kontekstda qo'llash zarurati ortmoqda. "Hibat ul-haqoyiq" asaridagi o'git va pandlar inson kamoloti, adolat, ilm, halollik kabi umuminsoniy qadriyatlarni targ'ib qilib, yosh avlodni to'g'ri yo'lga boshlashda muhim manba bo'lib xizmat qiladi. Bugungi kunda jamiyatda ma'naviy-axloqiy qadriyatlarga bo'lgan e'tiborning o'zgarishi, yoshlar orasida milliy o'zlikni anglash, axloqiy me'yorlarga rioya qilish masalasida ayrim kamchiliklar kuzatilayotgani ushbu mavzuning dolzarbligini yanada oshiradi. Ushbu asarda ilgari surilgan axloqiy tamoyillar, pand-nasihatlar zamonaviy yoshlar uchun ham bebaho qadriyatlarni o'zida mujassam etgan bo'lib, ularni jamiyatda o'z o'rnini topishga, komil inson bo'lib voyaga yetishishga yo'naltiradi. Shuningdek, asardagi o'git va pandlarning zamonaviy ta'lim-tarbiya jarayonlariga integratsiyalashuvi masalasi ham hali to'liq o'rganilmagan bo'lib, bu borada ilmiy-amaliy tavsiyalar ishlab chiqishga ehtiyoj sezilmoqda. Shu nuqtai nazardan, "Hibat ul-haqoyiq" asarining tarbiyaviy salohiyatini chuqur o'rganish va undan amaliy foydalanish yo'llarini topish hozirgi kunda juda muhimdir. Ahmad Yugnakiyning "Hibat ul-haqoyiq" asari va undagi o'git-pandlar o'zbek adabiyotshunosligida turli jihatlardan o'rganilgan. M. Abdullaeva o'z tadqiqotlarida asardagi ma'naviy-axloqiy masalalarni tahlil qilgan [1]. M. Abdurahimov o'zbek adabiyoti tarixini yoritishda ushbu asarning o'rni va ahamiyatini ko'rsatgan [2]. B. Azimjonov xalq og'zaki ijodi va yozma adabiyotdagi o'gitlarning donishmandlik namunasi sifatida ahamiyatini ta'kidlagan [4]. A. Bobojonov klassik adabiyotimizdagi axloqiy qadriyatlarni tadqiq etar ekan, "Hibat ul-haqoyiq"ga ham alohida e'tibor qaratgan [6]. N. Karimov qadimgi va o'rta asrlar o'zbek adabiyotini o'rganishda Ahmad Yugnakiy ijodiga keng o'rin bergan [8]. M. Nosirov esa Ahmad Yugnak ...