KURS ISHI

KIRISH Oʻzbekiston Respublikasi Prezidentining 2022-yil 12-maydagi “2022-2026-yillarga mo‘ljallangan Yangi O‘zbekistonning Taraqqiyot strategiyasini “Inson qadrini ulug‘lash va faol mahalla yili”da amalga oshirishga oid Davlat dasturi to‘g‘risida”gi PF-134-son Farmonida ta’lim sohasidagi ustuvor yo‘nalishlardan biri sifatida “ta’lim jarayoniga o‘qitishning innovatsion usullarini, raqamli texnologiyalarni va ilg‘or pedagogik texnologiyalarni joriy etish orqali ta’lim sifatini oshirish” belgilangan [1]. O‘zbekistonda 2023-yilda raqamli ta'lim texnologiyalari bozorining hajmi 250 million AQSh dollarini tashkil etib, 2028-yilga borib yillik o'sish sur'ati 18% ni tashkil qilishi prognoz qilinmoqda [2]. Bu o'quvchilarning mustaqil ishlash ko'nikmalarini rivojlantirishga qaratilgan innovatsion yechimlarga bo'lgan talabning ortib borayotganini ko'rsatadi. Xalqaro baholash dasturlari, xususan PISA [3] natijalariga ko‘ra, o‘zbekistonlik 15 yoshli o‘quvchilarning 50% dan ortig‘i informatika va matematikadan mustaqil muammolarni yechish ko‘nikmalarida yetarli darajaga ega emasligi aniqlangan. Ushbu raqamlar ta’lim tizimida mustaqil ta’lim va ishlash ko‘nikmalarini shakllantirishning dolzarbligini yaqqol ko‘rsatadi. Bugungi globallashuv va axborot asrida, o'quvchilarga nafaqat bilim berish, balki ularni mustaqil fikrlash, muammolarni yechish va o'z-o'zini rivojlantirishga o'rgatish muhim ahamiyat kasb etmoqda. Axborot texnologiyalarining jadal rivojlanishi, har bir sohada tez o'zgaruvchanlik va yangi bilimlarning doimiy paydo bo'lishi, o'quvchilardan faqat tayyor bilimlarni egallashni emas, balki ularni mustaqil ravishda izlab topish, tahlil qilish va amaliyotda qo'llay olishni talab qiladi. Shunday ekan, o'quvchilarning mustaqil ishlash ko'nikmalarini shakllantirish ta'lim tizimining asosiy vazifalaridan biri bo'lib qolmoqda. Bu ko'nikmalar nafaqat ularning o'quv samaradorligini oshiradi, balki kelajakdagi kasbiy faoliyatida va shaxsiy hayotida muvaffaqiyatga erishishlari uchun ham muhim poydevor hisoblanadi. O'zbekiston ta'lim tizimida ushbu yo'nalishda sezilarli ishlar qilingan bo'lsada, hali ham Informatika darslarida o'quvchilarning mustaqil ishlash faoliyatini interfaol metodlar orqali rivojlantirishda yechilmagan bir qator metodologik va didaktik muammolar mavjud. Mavzuning o'rganilganlik darajasi bo'yicha dunyo miqyosida ko'plab olimlar tadqiqot olib borgan. M ...