KURS ISHI

KIRISH Statistik ko'rsatgichlar iqtisodiyot va boshqaruv sohasida qaror qabul qilish, siyosatni shakllantirish hamda ijtimoiy-iqtisodiy jarayonlarni tahlil qilish uchun asosiy vosita hisoblanadi. O'zbekiston Respublikasi "Davlat statistikasi to'g'risida"gi Qonuni 2021-yil 13-aprelda qabul qilinishi ushbu sohaning mamlakat ijtimoiy-iqtisodiy hayotidagi muhimligini yana bir bor tasdiqlaydi. Statistik ma'lumotlar nafaqat makroiqtisodiy barqarorlikni ta'minlash, balki mintaqaviy va tarmoqlar kesimida samarali boshqaruv mexanizmlarini yaratishda ham fundamental ahamiyat kasb etadi. Global raqobat kuchayib borayotgan sharoitda, aniq va ishonchli statistik ko'rsatgichlarga tayangan holda strategik qarorlar qabul qilish davlatning barqaror rivojlanishini ta'minlashda hal qiluvchi omilga aylanmoqda. Bugungi kunda mamlakatda amalga oshirilayotgan keng ko'lamli islohotlar sharoitida statistik ko'rsatgichlarga bo'lgan talab yanada oshmoqda. Iqtisodiyotning raqamli transformatsiyasi, innovatsiyalar joriy etilishi va investitsion muhitni yaxshilashga qaratilgan sa'y-harakatlar ushbu ko'rsatgichlarning sifatiga va dolzarbligiga yangi talablarni qo'ymoqda. Statistik ma'lumotlarning tezkorligi, ochiqligi va xalqaro standartlarga mosligi mamlakatning investitsion jozibadorligini oshirish, xalqaro hamjamiyatda O'zbekiston imijini mustahkamlash uchun muhim hisoblanadi. Shu nuqtai nazardan, statistik ko'rsatgichlar tizimini doimiy ravishda takomillashtirish, ularni xalqaro amaliyotning eng yaxshi tajribalari bilan uyg'unlashtirish dolzarb vazifalardan biridir. Statistik ko'rsatgichlarning nazariy va amaliy jihatlari ko'plab mahalliy va xorijiy olimlar tomonidan chuqur o'rganilgan. Jumladan, Abdullaev Y.B. [1] va Vaxobov A.V. [16] o'z asarlarida statistika nazariyasi va metodologiyasining asosiy tushunchalarini atroflicha yoritib berganlar. Baratova M.S. [2], [3] va Rasulov M.I. [11] iqtisodiy statistikaning nazariy asoslari, uning amaliy ahamiyati hamda statistik ko'rsatgichlarni tahlil qilish metodlarini tahlil qilganlar. G'ofurov U.V. [5] va Salimov B.T. [12] ijtimoiy-iqtisodiy statistikani, xususan, makroiqtisodiy ko'rsatgichlarning shakllanishi va ularning jamiyat rivojlanishidagi rolini ko'rib chiqqanlar. Pirnazarov E.X. [10] esa statistika fanining fundamental prinsiplari va amaliy qo'llanilishi bo'yicha muhim ma'lumotlar beradi. Shuningdek, Fedorova E.A. [4] va Tuxliev ...