MUSTAQIL ISH

KIRISH Jurnalistika, adabiyotshunoslik va pedagogika kesishmasida turuvchi "Til va adabiyot ta'limi" kabi ixtisoslashgan nashrlar adabiyot o'qitish metodikasi sohasidagi eng dolzarb muammolarni yorituvchi, yangi g'oyalar, tadqiqot natijalari va ilg'or pedagogik tajribalarni targ'ib qiluvchi muhim maydon vazifasini o'taydi. Bugungi globallashuv va axborot texnologiyalari jadal rivojlanayotgan davrda til va adabiyot ta'limining ahamiyati yanada ortib bormoqda. Zero, milliy o'zlikni anglash, estetik didni shakllantirish, tanqidiy fikrlash qobiliyatini rivojlantirish va kommunikativ malakalarni takomillashtirishda adabiyot darsi hal qiluvchi rol o'ynaydi. Shu nuqtai nazardan, mazkur jurnalning har bir soni soha mutaxassislari, o'qituvchilar, tadqiqotchilar va talabalar uchun qimmatli manba bo'lib xizmat qiladi. Jurnalda e'lon qilingan materiallarni tizimli tahlil qilish, ularning mazmun-mohiyatini ochib berish va ta'lim amaliyotiga tatbiq etish imkoniyatlarini o'rganish hozirgi kunda o'zbek adabiyoti o'qitish metodikasi fanining dolzarb vazifalaridan biridir. Chunki har bir son nafaqat metodik yangiliklarni o'z ichiga oladi, balki o'qituvchilar duch kelayotgan amaliy muammolarga yechim taklif etishga intiladi, ularning kasbiy mahoratini oshirishga hissa qo'shadi. Shuningdek, u o'quvchilarning adabiyotga bo'lgan qiziqishini uyg'otish va ularda o'qish madaniyatini shakllantirish bo'yicha samarali yondashuvlarni yoritadi. O'zbek adabiyoti o'qitish metodikasida, afsuski, ixtisoslashgan pedagogik jurnallardagi materiallarni kompleks o'rganish, ularni umumlashtirib, tizimlashtirish borasida hali yetarli darajada ilmiy tadqiqotlar olib borilmagan. Ushbu holat, bir tomondan, sohadagi yangi tendensiyalar va muammolarni chuqur anglashga to'sqinlik qilsa, ikkinchi tomondan, ilg'or pedagogik tajribalarning keng miqyosda yoyilishiga mone'lik qiladi. Jurnalning bir sonidagi materiallarni abzor qilish orqali, biz ushbu muammoning bir qismini hal etishga intilamiz. Tadqiqotning asosiy ...