KURS ISHI

KIRISH Davlat moliyasining mohiyati va ahamiyati iqtisodiy barqarorlikni ta'minlash, ijtimoiy farovonlikni oshirish va mamlakatning rivojlanish yo'nalishlarini belgilashda markaziy o'rin tutadi. Bugungi kunda global iqtisodiy o'zgarishlar, raqamlashtirishning jadallashuvi va ijtimoiy ehtiyojlarning ortishi davlatning moliyaviy resurslarni shakllantirish, taqsimlash va ulardan samarali foydalanish mexanizmlarini qayta ko'rib chiqishni taqozo etmoqda. Ayniqsa, O'zbekiston Respublikasining 2022-yil 28-yanvarda qabul qilingan Prezident Farmoni bilan tasdiqlangan "O'zbekiston Respublikasining 2022-2026-yillarga mo'ljallangan Taraqqiyot strategiyasi"da davlat moliyasining shaffofligi, samaradorligi va barqarorligini ta'minlash bo'yicha muhim vazifalar belgilangan. Ushbu strategik hujjat mamlakat iqtisodiyotining ochiqligini oshirish, investitsion muhitni yaxshilash va aholi turmush darajasini ko'tarishda davlat moliyasining o'rnini yanada kuchaytiradi. Hozirgi sharoitda davlat moliyasini boshqarishda mavjud muammolar, jumladan byudjet defitsiti, davlat qarzi yukining oshishi, moliyaviy intizomni mustahkamlash zarurati va iqtisodiyotning turli tarmoqlari o'rtasida resurslarni optimal taqsimlash kabi masalalar dolzarb ahamiyat kasb etmoqda. Bu holat davlat moliyasining samaradorligini oshirish, moliyaviy resurslardan oqilona foydalanish va iqtisodiy o'sishni qo'llab-quvvatlash uchun yangi yondashuvlarni izlashni talab qiladi. Shuningdek, xalqaro tajribalarni o'rganish va ularni milliy sharoitga moslashtirish orqali davlat moliyasini boshqarish tizimini yanada takomillashtirish zarurati ham ushbu mavzuning dolzarbligini oshirib, unga ilmiy-amaliy e'tiborni kuchaytiradi. Mavzuning o'rganilganlik darajasi shuni ko'rsatadiki, davlat moliyasi nazariyasi va amaliyoti bo'yicha ko'plab mahalliy va xorijiy tadqiqotlar olib borilgan. Xususan, O'zbekistonlik olimlardan A.V. Vaxobov, A.T. Ibragimov va N.M. Mahmudovlar davlat moliyasining mohiyati va funksiyalarini tahlil qilganlar [17]. R.X. Alimov, A.V. Vaxobov va N.X. Jumaev esa moliyaning turli jihatlarini, shu jumladan davlat moliyasining o'ziga xos xususiyatlarini keng yoritganlar [2]. A.A. Bekmurodov o'z asarlarida davlat moliyasining nazariy va amaliy jihatlariga alohida e'tibor qaratib, uning barqarorligini ta'minlash masalalarini ko'rib chiqqan [4]. Shuningdek, N.D. G'oipov fiskal siyosatning iqtisodiy o'sishga ta's ...