KURS ISHI

KIRISH Mahalliy byudjetlar mamlakatning moliyaviy tizimida muhim o'rin tutib, hududlarning ijtimoiy-iqtisodiy rivojlanishini ta'minlashga yo'naltirilgan moliyaviy resurslar rejasi hisoblanadi. Ushbu byudjetlarning shakllanishi, taqsimlanishi va ijrosini nazorat qilish byudjet intizomining ta'minlanishi, byudjet mablag'laridan maqsadli va samarali foydalanish hamda davlat siyosatining muvaffaqiyatli amalga oshirilishi uchun fundamental ahamiyatga ega. Byudjet jarayoni bosqichlarini nazorat qilishning tizimli va samarali ishlashi jamoat resurslaridan oqilona foydalanishni kafolatlaydi, bu esa, o'z navbatida, fuqarolarning farovonligini oshirishga va iqtisodiy barqarorlikni ta'minlashga xizmat qiladi. Mahalliy byudjetlarning budjet jarayoni bosqichlarini nazorat qilish mexanizmlarini takomillashtirish bugungi kunda juda dolzarb masala bo'lib qolmoqda. Global iqtisodiyotdagi o'zgarishlar, resurslarning cheklanganligi va aholining byudjet shaffofligi hamda mas'uliyatiga bo'lgan talablarining ortishi ushbu yo'nalishdagi islohotlarni zaruriy qilib qo'yadi. Ayniqsa, byudjet mablag'laridan samarasiz foydalanish, suiiste'molliklar va korrupsiyaning oldini olishda nazorat mexanizmlarining mustahkamligi muhim rol o'ynaydi. Bu borada mavjud byudjet nazorati tizimidagi bo'shliqlarni aniqlash va ularni bartaraf etish orqali byudjet intizomini yanada kuchaytirish, davlat xarajatlarining samaradorligini oshirish hamda mahalliy darajadagi moliyaviy barqarorlikni ta'minlash lozim. Mavzuning o'rganilganlik darajasi tahliliga ko'ra, mahalliy byudjetlar va byudjet nazorati masalalari bir qator mahalliy va xorijiy tadqiqotchilar tomonidan o'rganilgan. Jumladan, Burcev V.V. o'zining ilmiy ishlarida davlat moliyaviy nazoratining metodologik asoslari va tashkil etish tamoyillarini chuqur tahlil qilgan [1]. Rodionova V.M. moliyaviy nazoratning nazariy jihatlarini va uning iqtisodiy tizimdagi o'rnini ko'rib chiqqan [2]. Ahmedov B.A. va Qodirov A.A. o'z asarlarida moliya sohasi bo'yicha keng qamrovli ma'lumotlarni, shu jumladan byudjet nazoratining asosiy yo'nalishlarini bayon etganlar [4]. Azimov A. mahalliy byudjetlarning shakllanishi va ijrosini nazorat qilishning dolzarb masalalarini o'rgangan [5]. Davletov A. byudjet nazoratining zamonaviy mexanizmlarini atroflicha tahlil qilgan [6]. Ismatullaev N. moliyaviy nazorat tizimining nazariy va amaliy jihatlarini tushuntirib, oliy o'qu ...